Jeremiah 39:4 - Yn Vible Casherick 1775 1819

⁴ As haink eh gy-kione, tra honnick Zedekiah ree Yudah ad, as ooilley ny fir-chaggee, chossyn ad roue, as daag ad yn ard-valley ’sy dorraghys, goaill raad garey yn ree, er y yiat eddyr y daa voalley, jannoo son y cheer-rea.

Jeremiah 39:4 ပူးပေါင်းရင်းမြစ်များ

2 Recortyssyn 32:5

Myrgeddin, ren eh eh-hene y niartaghey, as hrog eh ooilley yn voalley va brisht, as hrog eh seose eh gys ny tooryn, as voalley elley er cheu-mooie, as ren eh Millo ayns ard-valley Ghavid y yannoo ny s’troshey, as hooar eh aarloo ymmodee shleiyghyn as scapeyn.

Isaiah 22:11

Ren shiu myrgeddin jeeig eddyr yn daa voalley ry-hoi ushtey yn chenn loghan: agh cha vel shiu er yeeaghyn huggeysyn t’er hroggal eh, chamoo va geill eu dasyn ren eh y chummey foddey er-dy-henney.

Isaiah 22:3

Ta ooilley ny reiltee ayd er-chea cooidjagh, t’ad geulit liorish ny sideyryn; ta ooilley dty chummaltee ayns geulaghyn dy cheilley, t’ad er-chea foddey ’sy yioyn.

Isaiah 29:2

Ny-yeih nee’m seaghney Ariel, as bee dobberan as trimshey ayn; as bee yn clane dooys myr Ariel.

Jeremiah 32:4

As cha jean Zedekiah ree Yudah scapail ass laue ny Caldeanee, agh bee eh dy shickyr livreït gys laue ree Vabylon, as nee eh loayrt rish beeal ry beeal, as ver e hooillyn my-ner ny sooillyn echeysyn;

Jeremiah 32:5

As ver eh lesh Zedekiah gys Babylon, as bee eh ayns shen derrey yeeagh-yms er, ta’n Chiarn dy ghra: ga dy jean shiu caggey rish ny Caldeanee, cha vow shiu laue yn eaghtyr?

Ezekiel 12:12

As y prince ta ny mast’ oc, nee eh gymmyrkey er e gheaylin ’sy cho-leayrtys, as hed eh magh: nee ad jannoo baarney trooid y voalley, dy chur lhieu magh ny hrooid: nee eh e eddin y choodaghey, nagh vaik eh yn thalloo lesh e hooillyn.

Ezekiel 12:4

Eisht ver oo lhiat magh dty stoo-thie ’sy laa, ayns y chilley oc, myr cooid ry-hoi arraghey: as hed oo magh ec yn astyr ayns nyn shilley, myr adsyn ta dy gholl magh gys cappeeys.

Leviticus 26:17

As nee’m soiaghey m’eddin nyn ’oï, as bee shiu er nyn stroie roish nyn noidyn: as nee ad reill harrishdiu, as nee shiu roie er-chea, tra nagh bee fer erbee er nyn eiyrt’s.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Amos 2:14

Cha bee sauchys cour ny coshee bieau, as cha bee bree erbee ayns troshid yn er lajer, chamoo nee yn treanagh eh-hene y livrey:

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.