Jeremiah 39:2 - Yn Vible Casherick 1775 1819

² As ’syn un vleïn jeig jeh reill Zedekiah, ’sy chiarroo vee, er y nuyoo laa jeh’n vee, vrish ad stiagh er yn ard-valley.

Jeremiah 39:2 ပူးပေါင်းရင်းမြစ်များ

Jeremiah 1:3

Haink eh myrgeddin rish lhing Yehoiakim mac Yosiah ree Yudah, gys jerrey yn un vleïn jeig dy Zedekiah mac Yosiah ree Yudah, derrey cappeeys Yerusalem ’sy wheiggoo vee.

Jeremiah 32:1

Yn goo haink gys Jeremiah veih’n Chiarn, ayns y jeihoo vleïn jeh reill Zedekiah ree Yudah, va yn hoghtoo vleïn jeh Nebuchadrezzar.

Jeremiah 34:22

Cur-my-ner, ver-yms magh sarey, ta’n Chiarn dy ghra, dauesyn dy hyndaa reesht noi’n ard-valley shoh; as nee ad caggey rish, as goaill eh, as lostey lesh aile eh: as ver-ym er ard-valjyn Yudah dy ve ny hraartys gyn cummaltagh faagit ayn.

Jeremiah 37:8

As hig ny Caldeanee reesht dy chaggey noi yn ard-valley shoh, as gowee ad eh, as loshtee ad eh lesh aile.

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Ezekiel 33:21

As haink eh gy-kione ayns y nah vleïn jeig jeh’n chappeeys ain, ayns y jeihoo vee, er y wheiggoo laa jeh’n vee, dy daink fer, v’er scapail ass Jerusalem, hym’s, gra, Ta’n ard-valley goit.

Ezekiel 4:3

Ny-sodjey gow hood pot yiarn, as soie eh son voalley yiarn, eddyr uss as yn ard-valley, as soie dty eddin n’oï, as bee eh cruinnit mygeayrt, as nee oo chionney stiagh eh: shoh vees cowrey da thie Israel.

Ezekiel 5:2

Yn trass ayrn nee oo lostey lesh aile ayns mean yn ard-valley, tra ta laghyn y chionney-stiagh noi eck er ny chooilleeney, as trass ayrn nee oo y ghoaill, as giarey dy myn eh lesh y skynn; as trass ayrn ver oo lesh y gheay, as neem’s cliwe y hayrn geiyrt orroo.

Zephaniah 1:10

As hig eh gy-kione ayns y laa shen, ta’n Chiarn dy ghra, dy bee yllaghey dy cheayney veih giat ny eeastee, as gullal veih yn nah yiat, as tharmane vooar veih ny croink.

Zechariah 8:19

Myr shoh ta Chiarn ny flaunyssee loayrt, Bee trostey yn chiarroo vee, as trostey yn wheiggoo, as trostey yn chiaghtoo, as trostey yn jeihoo vee son thie Yudah boggey as gennallys, as feaillaghyn eunyssagh; Shen-y-fa cur-jee graih da ynrickys as shee.