Jeremiah 38:7 - Yn Vible Casherick 1775 1819

⁷ Nish tra cheayll Ebed-melech yn Ethiopian, fer jeh ny offishearyn va ayns thie yn ree, dy row ad er choyrt Jeremiah ’sy dungeon, (yn ree ’sy traa cheddin ny hoie ayns giat Venjamin,)

Jeremiah 38:7 ပူးပေါင်းရင်းမြစ်များ

2 Reeaghyn 24:15

As hug eh lesh Jehoiachin ersooyl gys Babylon, as moir y ree, as mraane y ree, as ny fir-oik, as ard-gheiney ny cheerey; ad shen hug eh lesh ayns cappeeys veih Jerusalem gys Babylon.

Psalmyn 68:31

Eisht hig ny princeyn magh ass Egypt: nee cheer ny Morianee dy leah ny laueyn eck y heeyney magh gys Jee.

Raaghyn Creeney 29:10

Ta deiney folley as dwoaie oc er sleih ynrick: agh ta’n dooinney cairal shirrey foays e annym.

Isaiah 56:3

Chamoo lhig da mac y joarree, t’er hyndaa gys y Chiarn, gra, Ta’n Chiarn dy bollagh er scarrey mee veih e phobble: chamoo lhig da’n dooinney gennish gra, Cur-my-ner, ta mee my villey creen.

Jeremiah 13:23

Vod yn Ethiopian daah e chrackan y chaghlaa, ny’n leopard e spuitt? eisht foddee shiuish myrgeddin jannoo dy mie, t’er chliaghtey dy chur-rish olk.

Jeremiah 20:2

Eisht woaill Pashur er Jeremiah yn adeyr, as hug eh eh ayns ny sthockyn va liorish ard-yiat Venjamin, er-gerrey da thie’n Chiarn.

Jeremiah 26:16

Eisht dooyrt ny princeyn as ooilley’n pobble rish ny saggyrtyn, as rish ny phadeyryn, Cha vel y dooinney shoh toilchin baase; son t’eh er loayrt rooin ayns ennym y Chiarn nyn Yee.

Jeremiah 29:2

(Erreish da Jeconiah yn ree, as y ven-reïn, as ny shamyrderyn, princeyn Yudah as Yerusalem, as ny seyir, as ny gaauenyn, v’er n’immeeaght ass Jerusalem,)

Jeremiah 34:19

Eer princeyn Yudah, as princeyn Yerusalem, ny fir-oik, as ny saggyrtyn, as ooilley pobble y cheer, huill eddyr dagh lieh jeh’n lheiy oural;

Jeremiah 37:13

As myr v’eh goll magh er giat Venjamin, raad va captan arreyder, e ennym Irijah, mac Shelemiah, mac Hananiah, ghow eh Jeremiah yn phadeyr, gra, T’ou uss goll er cheu ny Caldeanee.

Jeremiah 38:8

Hie Ebed-melech magh ass thie yn ree, as loayr eh rish y ree, gra,

Amos 5:10

T’ad cur feoh dasyn, ta cur oghsan ’sy yiat, as dwoaie oc ersyn, ta loayrt dy ynrick.

Zechariah 14:10

As bee yn slane cheer er ny hyndaa gys thalloo-rea veih Geba gys Rimmon, jiass jeh Jerusalem: as bee eh ayns ard-ghoo as lane dy chummaltee: veih giat Venjamin gys ynnyd y chied yiat gys y yiat corneilagh, as voish toor Hananeel gys doaghyn-feeyney yn ree.

Noo Mian 20:16

Myr shen bee adsyn ta er-jerrey hoshiaght, as adsyn ta hoshiaght er-jerrey: son shimmey t’er nyn eam, agh s’tiark t’er nyn reih.

Deuteronomy 21:19

Nee eisht e ayr as e voir greme y ghoaill er, as ver ad lhieu eh fenish shanstyr e ard-valley, as gys giat ny quaallagh:

Joshua 20:4

As tra nee eshyn ta roie er-chea gys unnane jeh ny ard-valjyn shen, shassoo ec giat yn ard-valley, as soilshaghey e chooish ayns clashtyn chanstyr yn ard-valley shen, gowee ad stiagh eh gys yn ard-valley, as ver ad fastee da ny mast’ oc.