As dooyrt David, Cre t’enish dy yannoo rhym’s ’sy chooish shoh, shiuish vec Zeruiah, dy ve wheesh m’oï er y laa shoh? Bee dooinney erbee er ny choyrt gy-baase er y laa jiu ayns Israel? son nagh vel fys aym dy vel mee nish my ree harrish Israel?
As ta mish nish faase, ga dy vel mee my ree ooilit; as ta ny deiney shoh mec Zeruiah ro chreoi er my hon: nee’n Chiarn y drogh-yantagh y chooilleeney cordail rish e olkys.
Eisht hug y ree Zedekiah fys dy ghoaill ass eh, as dênee eh jeh dy follit ayns e hie, as dooyrt eh, Vel fockle erbee veih yn Chiarn? As dooyrt Jeremiah, Ta: son dooyrt eh, Bee oo livreït gys laue ree Vabylon.
Eisht doardee yn ree, as hug ad lhieu Daniel, as hilg ad eh ayns ooig ny lionyn: nish loayr y ree, as dooyrt eh rish Daniel, Nee dty Yee t’ou uss dy hirveish dy kinjagh uss y livrey.
As hug ad lhieu clagh, as lhie ad eh er beeal yn ooig, as ren y ree sealal eh lesh e chowrey hene, as lesh cowrey e hiarnyn; nagh beagh yn vriwnys hie er Daniel er ny chaghlaa.
As dooyrt Saul rish Samuel, Ta mee er n’yannoo peccah: son ta mee er n’gholl noi sarey’n Chiarn, as ny goan ayd’s; er-yn-oyr dy row mee ayns aggle roish y pobble, as dy dug mee geill da nyn goraa.
As dreggyr Achish as dooyrt eh rish David, Ta fys aym dy vel oo mie ayns my hilley, myr ainle Yee: ny-yeih, ta princeyn ny Philistinee er ghra, Cha jean mie da goll mârin gys y chaggey.