Jeremiah 38:4 - Yn Vible Casherick 1775 1819

⁴ Er-y-fa shen dooyrt ny princeyn rish y ree, Ta shin guee ort, lhig da’n dooinney shoh ve currit gy-baase: son myr shoh, t’eh gannooinaghey laueyn ny deiney-caggee ta er-mayrn ’syn ard-valley, as laueyn ooilley’n pobble, ayns loayrt lheid ny goan roo: son cha vel eh shoh shirrey foays y phobble, agh yn assee oc.

Jeremiah 38:4 ပူးပေါင်းရင်းမြစ်များ

1 Reeaghyn 21:20

As dooyrt Ahab rish Elijah, Vel oo er my gheddyn magh, O my noid? As dreggyr eh, Ta mee er gheddyn magh oo; er-yn-oyr dy vel oo er chreck oo-hene dy obbraghey olk ayns shilley’n Chiarn.

2 Recortyssyn 24:21

As dirree ad magh n’oï, as chlagh ad eh gy-baase, ec sarey’n ree, ayns cooyrt thie’n Chiarn.

Ezra 4:12

Lhig da fys ’ve ec y ree, dy vel ny Hewnyn, hug uss seose hooin, er jeet gys Jerusalem, troggal yn ard-valley mee-viallagh as dangeragh, as er hoiaghey seose ny voallaghyn eck, as er niartaghey ny undinyn.

Nehemiah 6:9

Son v’ad ooilley smooinaghtyn dy chur shin fo aggle, gra, Bee ny laueyn oc er nyn lhaggaghey ’syn obbyr, nagh jed ad er nyn doshiaght. Nish, er-y-fa shen, O Yee, niartee my laueyn.

Exodus 5:4

As dooyrt ree Egypt roo, Kys dy vel shiuish, Voses as Aaron, lhiettal y pobble veih nyn obbyr? reue shiu gys nyn obbyr.

Jeremiah 11:21

Shen-y-fa myr shoh ta’n Chiarn dy ghra mychione deiney Anathoth, ta shêgin er dty vioys, gra, Ny jean phadeyrys ayns ennym y Chiarn, er-aggle dy jed oo er stroie liorish ny laueyn ainyn:

Jeremiah 18:23

Ny-yeih, Hiarn, t’ou uss toiggal ooilley’n choyrle oc m’oï’s dy my stroie: ny jean yn vee-chairys oc y leih daue, chamoo cur y peccah oc ersooyl ass dty enish, agh lhig daue tuittym kiongoyrt rhyt’s: dell myr shoh roo ayns laa dty yymmoose.

Jeremiah 26:11

Eisht loayr ny saggyrtyn as ny phadeyryn rish ny princeyn, as rish ooilley’n pobble, gra, Ta’n dooinney shoh toilliu baase; son t’eh er n’yannoo phadeyrys noi’n ard-valley shoh, myr ta shiu er chlashtyn lesh nyn gleayshyn.

Jeremiah 29:7

As shir-jee shee ard-valley nyn gappeeys, gys shen ta mish er choyrt shiu, as gow-jee padjer gys y Chiarn er e son: son ayns y chee ecksh bee yn shee euish.

Jeremiah 38:16

Er shoh loo yn ree Zedekiah rish Jeremiah dy follit, gra, Myr ta’n Chiarn bio, hug yn annym shoh dooin, cha der-ym oo gy-baase, chamoo nee’m uss y livrey gys y laue ocsyn ta shirrey dty vioys.

Jeremiah 38:25

Agh my chlinnys ny princeyn dy row glare eddyr shin, as my hig ad hood, as gra rhyt, Insh dooin nish cre t’ou er ghra rish y ree, ny jean keiltyn eh voïn, as cha der mayd oo gy-baase; myrgeddin cre dooyrt yn ree rhyt’s;

Jeremiah 43:3

Agh ta Baruch mac Neriah dy dty ghreinnaghey nyn ’oï, dy livrey shin gys laue ny Caldeanee, dy choyrt shin dy baase, as dy chur lhieu ersooyl shin nyn gappeeyn gys Babylon.

Ezekiel 22:27

Ta ny princeyn eck ayns e mean, myr moddee-oaldey jollyssagh lurg y spooilley, dy gheayrtey fuill, as dy stroie anmeenyn, dy gheddyn cosney neu-chairagh.

Amos 7:10

Eisht hug Amaziah saggyrt Veth-el fys gys Jeroboam ree Israel, gra, Ta Amos er ghoaill coyrle follit dt’oï, ayns mean thie Israel: ver eh shoh yn thalloo bun-ry-skyn lesh ooilley e ghoan.

Noo Luke 23:2

As ren ad toshiaght dy loayrt n’oï, gra, Hooar shin eh shoh cur yn ashoon ain er-shaghryn, as lhiettal sleih veih geeck keesh da Cesar, gra, Dy nee eh-hene Creest yn ree.

Jannoo 16:20

Eisht hug ad lhieu ad gys ny fir-reill, gra, Ta ny deiney shoh er ghoostey ymmodee anvea ayns yn ard-valley ain, liorish dy nee Hewnyn ad,

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir-reill yn ard-valley, geamagh, T’ad shoh t’er hyndaa yn seihll bun-ry-skyn er jeet ayns shoh neesht;

Jannoo 24:5

Ta shin er gheddyn yn dooinney shoh fer erskyn-towse boiragh, as doostey anvea mastey ooilley ny Hewnyn er feaï-ny-cruinney, as ny ard-leeideilagh ayns shaghrynys credjue ny Nazarenee:

Jannoo 28:22

Agh ta shin booiagh clashtyn voïd’s, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.