Jeremiah 38:3 - Yn Vible Casherick 1775 1819

³ Son myr shoh ta’n Chiarn dy ghra, Bee yn ard-valley shoh dy shickyr er ny livrey gys laue armee ree Vabylon, nee goaill eh.

Jeremiah 38:3 ပူးပေါင်းရင်းမြစ်များ

Jeremiah 21:10

Son ta mee er hoiaghey m’eddin noi’n ard-valley shoh, son olk, as cha nee son mie, ta’n Chiarn dy ghra; bee eh er ny livrey gys laue ree Vabylon, as loshtee eshyn eh lesh aile.

Jeremiah 21:4

Myr shoh ta’n Chiarn Jee Israel dy ghra, Cur-my-ner, chyndaa-ym ny greinyn-caggee t’ayns ny laueyn enish, lhieu ta shiu caggey noi ree Vabylon, as noi ny Caldeanee, ta chionney shiu stiagh lesh caggey cheu-mooie nyn voallaghyn, as nee’m ad y haglym gys mean yn ard-valley shoh.

Jeremiah 21:9

Eshyn ta fuirriaghtyn ’syn ard-valley shoh, yiow eh baase lesh y chliwe, as lesh y ghortey, as lesh y chramp: agh eshyn hed magh, as livrey-ys seose eh-hene gys ny Caldeanee ta chionney stiagh shiu, bee eh bio, as bee e vioys son cosney da.

Jeremiah 29:16

Toig-jee dy nee shoh goan y Chiarn mychione y ree ta ny hoie er stoyl-reeoil Ghavid, as mychione ooilley’n pobble ta cummal ’syn ard-valley shoh, as mychione ny braaraghyn eu nagh vel er n’gholl magh mêriu ayns cappeeys;

Jeremiah 37:8

As hig ny Caldeanee reesht dy chaggey noi yn ard-valley shoh, as gowee ad eh, as loshtee ad eh lesh aile.

Jeremiah 38:18

Agh mannagh jeu magh gys princeyn ree Vabylon, eisht bee yn ard-valley shoh livreït seose gys laue ny Caldeanee, as loshtee ad eh lesh aile, as cha jean oo scapail ass y laue oc.