Jeremiah 38:2 - Yn Vible Casherick 1775 1819

² Myr shoh ta’n Chiarn dy ghra, Eh ta fuirriaght ayns yn ard-valley shoh, yiow eh baase liorish y chliwe, yn ghortey, as y chramp: agh bee eshyn hed magh gys ny Caldeanee bio; son bee e vioys lhiggit lesh, as bee eh sauchey.

Jeremiah 38:2 ပူးပေါင်းရင်းမြစ်များ

Jeremiah 21:4

Myr shoh ta’n Chiarn Jee Israel dy ghra, Cur-my-ner, chyndaa-ym ny greinyn-caggee t’ayns ny laueyn enish, lhieu ta shiu caggey noi ree Vabylon, as noi ny Caldeanee, ta chionney shiu stiagh lesh caggey cheu-mooie nyn voallaghyn, as nee’m ad y haglym gys mean yn ard-valley shoh.

Jeremiah 24:8

As myr ny drogh figgyn, nagh vel son ee, t’ad cha olk shen; (son shickyrys myr shoh ta’n Chiarn dy ghra,) Myr shen livrey-yms Zedekiah ree Yudah, as e phrinceyn, as fooilliagh Yerusalem ta faagit ’sy cheer shoh, as adsyn ta cummal ayns cheer Egypt;

Jeremiah 27:11

Agh ny ashoonyn ta coyrt nyn mwannal fo quing ree Vabylon, as dy hirveish eh, adsyn faag-yms er-mayrn ayns y cheer oc hene, ta’n Chiarn dy ghra; as nee ad laboraght as cummal ayn.

Jeremiah 27:13

Cre’n-fa yinnagh shiu cherraghtyn, uss as dty phobble, liorish y chliwe, lesh y ghortey, as y chramp, myr ta’n Chiarn er loayrt noi’n ashoon ta gobbal shirveish ree Vabylon?

Jeremiah 29:16

Toig-jee dy nee shoh goan y Chiarn mychione y ree ta ny hoie er stoyl-reeoil Ghavid, as mychione ooilley’n pobble ta cummal ’syn ard-valley shoh, as mychione ny braaraghyn eu nagh vel er n’gholl magh mêriu ayns cappeeys;

Jeremiah 29:18

As ver-ym eiyrtys orroo lesh y chliwe, yn ghortey, as y chramp, as nee’m ad y livrey dy ve scughit gys dy chooilley reeriaght ’sy theihll, dy ve son mollaght, as atchim, as faghid, as an-ghoo, mastey dy chooilley ashoon raad ta mee er n’eiyrt ad:

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 39:18

Son neem’s dy shickyr uss y livrey, as cha duitt oo liorish y chliwe; agh cosnee oo ersooyl lesh dty vioys, er-yn-oyr dy vel oo er hreishteil aynym’s, ta’n Chiarn dy ghra.

Jeremiah 42:17

Shoh vees yn cronney ocsyn ooilley soie-ys nyn eddin dy gholl gys Egypt, dy chummal ayns shen; yiow ad baase liorish y chliwe, yn ghortey, as y chramp: as cha bee fer jeu faagit, ny shaghney yn olk ver-yms orroo.

Jeremiah 42:22

Nish er-y-fa shen, toig-jee son shickyrys, dy vow shiu baase liorish y chliwe, yn ghortey, as y chramp, ’sy voayl raad ta shiu shirrey dy gholl, as dy vaghey.

Jeremiah 44:13

Son goym’s kerraghey orroosyn ta cummal ayns cheer Egypt, myr ta mee er cherraghey Jerusalem, liorish y chliwe, liorish y ghortey, as liorish y chramp:

Jeremiah 45:5

As vel uss shirrey vondeishyn er-lheh dhyt hene? ny shir y lheid: son cur-my-ner, ver-yms lhiam olk er dy chooilley eill, ta’n Chiarn dy ghra; agh bee dty vioys lhiggit lhiat raad erbee dy jed oo.

Ezekiel 14:21

Son shoh myr ta’n Chiarn Jee dy ghra, Cre-woad smoo, tra ver-ym my chiare briwnyssyn trome er Jerusalem, yn cliwe, as y ghortey, as ny beishtyn dewilley, as y phaitt, dy yiarey jeh dooinney as baagh?

Ezekiel 6:11

Myr shoh ta’n Chiarn Jee dy ghra, Bwoaill dty vassyn, as stamp lesh dty chass, as abbyr, Ah treih! son ooilley peccaghyn eajee thie Israel: son tuittee ad liorish y chliwe, as yn ghortey, as y phaitt.

Ezekiel 7:15

Ta’n cliwe cheu-mooie, as y phaitt, as yn ghortey cheu-sthie, eshyn t’ayns y vagher, yiow eh baase liorish y chliwe: as eshyn t’ayns yn ard-valley, nee gortey as paitt ad y stroie.