Jeremiah 38:18 - Yn Vible Casherick 1775 1819

¹⁸ Agh mannagh jeu magh gys princeyn ree Vabylon, eisht bee yn ard-valley shoh livreït seose gys laue ny Caldeanee, as loshtee ad eh lesh aile, as cha jean oo scapail ass y laue oc.

Jeremiah 38:18 ပူးပေါင်းရင်းမြစ်များ

2 Reeaghyn 24:12

As hie Jehoiachin ree Yudah magh gys ree Vabylon, eh-hene, as e voir, as e gheiney, as e phrinceyn, as ny fir-oik echey; as ghow ree Vabylon eh ayns yn hoghtoo vleïn jeh’n reill echey.

Jeremiah 21:10

Son ta mee er hoiaghey m’eddin noi’n ard-valley shoh, son olk, as cha nee son mie, ta’n Chiarn dy ghra; bee eh er ny livrey gys laue ree Vabylon, as loshtee eshyn eh lesh aile.

Jeremiah 27:8

As hig eh gy-kione, yn ashoon as yn reeriaght nagh jean shirveish Nebuchadnezzar cheddin ree Vabylon, as nagh der nyn mwannal fo quing ree Vabylon, yn ashoon shen neem’s smaghtaghey, ta’n Chiarn dy ghra, lesh y chliwe, as lesh y ghortey, as lesh y chramp, derrey veem’s er stroie ad liorish y laue echeysyn.

Jeremiah 37:8

As hig ny Caldeanee reesht dy chaggey noi yn ard-valley shoh, as gowee ad eh, as loshtee ad eh lesh aile.

Jeremiah 38:23

Cur-my-ner, hed ooilley dty vraane as dty chloan magh gys ny Caldeanee; as cha jean oo scapail ass ny laueyn oc, agh bee oo goit liorish ree Vabylon: as by-dty-chyndagh loshtee ad yn ard-valley shoh lesh aile.

Jeremiah 38:3

Son myr shoh ta’n Chiarn dy ghra, Bee yn ard-valley shoh dy shickyr er ny livrey gys laue armee ree Vabylon, nee goaill eh.

Jeremiah 39:3

As haink ooilley princeyn ree Vabylon stiagh, as hoie ad ayns y yiat meanagh, eer Nergal-sharezer, Samgar-nebo, Sarsechim, Rab-saris, Rab-mag, marish y chooid elley jeh ard-gheiney ree Vabylon.

Jeremiah 39:8

As losht ny Caldeanee plaase y ree, as thieyn y phobble lesh aile, as lhieg ad voallaghyn Yerusalem.

Ezekiel 12:13

My lieen myrgeddin neem’s skeayley ersyn, as bee eh goit ayns my ribbey; as ver-ym lhiam eh gys Babylon, cheer ny Caldeanee, ny-yeih cha jean eh fakin eh, ga dy vow eh baase ayns shen.

Ezekiel 17:15

Agh dirree eh magh n’oï, ayns cur e haghteryn reeoil gys Egypt, son cabbil, as niart sleih: jean eh bishaghey, vod aïgh mie ve leshyn ta jannoo lheid shoh? as bee eshyn er ny livrey ta brishey yn conaant?