Jeremiah 38:16 - Yn Vible Casherick 1775 1819

¹⁶ Er shoh loo yn ree Zedekiah rish Jeremiah dy follit, gra, Myr ta’n Chiarn bio, hug yn annym shoh dooin, cha der-ym oo gy-baase, chamoo nee’m uss y livrey gys y laue ocsyn ta shirrey dty vioys.

Jeremiah 38:16 ပူးပေါင်းရင်းမြစ်များ

Ecclesiastes 12:7

Eisht nee’n joan chyndaa reesht gys yn ooir, myr ve; as nee’n spyrryd chyndaa reesht gys Jee veih haink eh.

Isaiah 42:5

Shoh myr ta’n Chiarn Jee dy ghra, eh chroo ny niaughyn, as ren skeayley magh ad; eh hug er y thalloo dy heet rish, as ooilley ny ta cheet ass; eshyn hug ennal ’sy phobble ta er, as bioys ayndoosyn ta cummal ayn;

Isaiah 57:16

Son cha beem’s dy kinjagh streeu, chamoo vee’m dy kinjagh corree: son yinnagh yn spyrryd failleil kiongoyrt rhym, as ny anmeenyn ta mee er chroo.

Jeremiah 34:20

Ver-yms ad dy feer gys laue nyn noidyn, as gys y laue ocsyn ren shirrey nyn mioys; as bee ny callinyn oc son beaghey da eeanlee yn aer, as da beishtyn y thallooin.

Jeremiah 37:17

Eisht hug y ree Zedekiah fys dy ghoaill ass eh, as dênee eh jeh dy follit ayns e hie, as dooyrt eh, Vel fockle erbee veih yn Chiarn? As dooyrt Jeremiah, Ta: son dooyrt eh, Bee oo livreït gys laue ree Vabylon.

Zechariah 12:1

Phadeyrys trome goo yn Chiarn son Israel, ta’n Chiarn dy ghra, ta sheeyney magh ny niaughyn, as layal undin ny hooirey, as kiaddey spyrryd dooinney cheu-sthie jeh.

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?

Earrooyn 27:16

Lhig da’n Chiarn, Jee spyrrydyn dy chooilley eill, dooinney y hoiaghey harrish y pobble,

Noo Ean 3:2

Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer-ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Jannoo 17:25

Chamoo t’eh er ny ooashlaghey lesh laueyn deiney, myr dy beagh eh feme nhee erbee, fakin dy vel eh coyrt da ooilley bioys, as ennal, as dy chooilley nhee;

Jannoo 17:28

Son aynsyn ta shin bio, as bioyr, as baghey; myr sheer da paart jeh ny bardoonee eu hene ta gra, Son ta shinyn neesht jeh’n cluight echeysyn.

Hebrewnee 12:9

Ny-sodjey, ta er ve ain ayraghyn dooghyssagh, dreill shin fo smaght, as hug shin arrym daue: nagh der mayd eisht foddey sleaie biallys da Ayr ny spyrrydyn, as ve bio?