Jeremiah 38:13 - Yn Vible Casherick 1775 1819

¹³ Myr shen hayrn ad seose Jeremiah lesh ny coyrdyn, as ghow ad eh ass y dungeon: as duirree Jeremiah ayns cooyrt y phryssoon.

Jeremiah 38:13 ပူးပေါင်းရင်းမြစ်များ

Jeremiah 37:21

Eisht doardee Zedekiah yn ree Jeremiah dy ve ayns cooyrt y phryssoon, as dy choyrt da gagh laa lowanse arran veih straïd y fuinneyder, derrey veagh ooilley’n arran ’syn ard-valley baarit. Myr shoh duirree Jeremiah ayns cooyrt y phryssoon.

Jannoo 28:30

As chum Paul ry daa vleïn magh ayns e hie maillee hene, goaill-rish dy chooilley unnane va cheet huggey;

Jannoo 28:16

As tra haink shin gys y Raue, livrey yn centurion ny pryssoonee gys captan y ghard: agh ve lowit da Paul thie y ve echey da hene, marish sidoor va curmit lesh.

Jannoo 23:35

Ver-ym clashtyn dhyt, as eshyn, tra vees dty phlaiyntee myrgeddin er jeet. As doardee eh eh dy ve freilt ayns halley briwnys Herod.

Jeremiah 38:28

Myr shen duirree Jeremiah ayns cooyrt y phryssoon derrey’n laa hie Jerusalem er goaill: as v’eh ayns shen tra va Jerusalem goit.

Jeremiah 38:6

Eisht ghow ad Jeremiah, as hilg ad eh ayns dungeon Valchiah mac Hammelech, va ayns cooyrt y phryssoon: as lhig ad sheese Jeremiah lesh coyrdyn. As ayns y dungeon cha row ushtey erbee, agh laagh; myr shen dy row Jeremiah dowin ’sy laagh.

1 Reeaghyn 22:27

As abbyr roo, Shoh myr ta’n ree dy ghra, Cur-jee yn fer shoh ayns pryssoon, as jean-jee eh y veaghey lesh arran dy heaghyn, as lesh ushtey dy heaghyn, derrey hig-yms reesht ayns shee.

Jannoo 24:27

Agh ec kione daa vleïn haink Portius Festus ayns ynnyd Felix: as son dy row Felix booiagh jannoo nhee taitnyssagh da ny Hewnyn, daag eh Paul ny phryssoonagh.

Nehemiah 3:25

Palai mac Uzai, veih chyndaa yn voalley, as y toor, ta magh veih thie ard y ree, va liorish cooyrt y phryssoon: ny lurg-syn Pedaiah mac Parosh.

Jeremiah 26:16

Eisht dooyrt ny princeyn as ooilley’n pobble rish ny saggyrtyn, as rish ny phadeyryn, Cha vel y dooinney shoh toilchin baase; son t’eh er loayrt rooin ayns ennym y Chiarn nyn Yee.

Jeremiah 32:2

Shen y traa ren armeeyn ree Vabylon cruinnaghey stiagh Jerusalem: as va Jeremiah yn phadeyr jeight seose ayns cooyrt y phryssoon, va liorish thie ree Yudah.

Jeremiah 38:12

As dooyrt Ebed-melech yn Ethiopian rish Jeremiah, Cur nish ny shenn chloodyn ceaut, as ny frytlagyn loau shoh fo dty achlishyn, fo ny coyrdyn. As ren Jeremiah shen.

Genesis 37:28

Eisht va Midianiteyn goll shaghey, marchanyn; as hayrn ad, as hrog ad Joseph seose ass yn ooig, as chreck ad Joseph rish ny Ishmaeliteyn, son feed peesh dy argid: as hug adsyn lhieu Joseph gys Egypt.

Raaghyn Creeney 29:10

Ta deiney folley as dwoaie oc er sleih ynrick: agh ta’n dooinney cairal shirrey foays e annym.

Dobberan 3:58

O Hiarn, t’ou er ghoaill seose my chooishyn anmey, t’ou er livrey my vioys.