Jeremiah 38:12 - Yn Vible Casherick 1775 1819

¹² As dooyrt Ebed-melech yn Ethiopian rish Jeremiah, Cur nish ny shenn chloodyn ceaut, as ny frytlagyn loau shoh fo dty achlishyn, fo ny coyrdyn. As ren Jeremiah shen.

Jeremiah 38:12 ပူးပေါင်းရင်းမြစ်များ

Jeremiah 38:11

Er shen ghow Ebed-melech ny deiney mârish, as hie eh stiagh gys thie yn ree fo yn thie-tashtee, raad hooar eh shenn chloodyn ceaut, as shenn frytlagyn loau, as lhig eh sheese ad lesh coyrdyn ’sy dungeon gys Jeremiah.

Jeremiah 38:13

Myr shen hayrn ad seose Jeremiah lesh ny coyrdyn, as ghow ad eh ass y dungeon: as duirree Jeremiah ayns cooyrt y phryssoon.

Jeremiah 38:7

Nish tra cheayll Ebed-melech yn Ethiopian, fer jeh ny offishearyn va ayns thie yn ree, dy row ad er choyrt Jeremiah ’sy dungeon, (yn ree ’sy traa cheddin ny hoie ayns giat Venjamin,)

Romanee 12:10

Bee-jee jeh aigney dooie yn derrey yeh gys y jeh elley lesh graih braaragh, ayns onnor dagh unnane jannoo soiagh jeh fer elley roish hene.

Romanee 12:15

Gow-jee boggey mâroosyn ta goaill boggey, as jean-jee dobberan mâroosyn ta dobberan.

Ephesianee 4:32

As bee-jee dooie yn derrey yeh da’n jeh elley, meiygh-chreeagh, leih da y cheilley dy jarroo myr ta Jee son graih Chreest er leih diuish.