Jeremiah 37:2 - Yn Vible Casherick 1775 1819

² Agh cha dug eshyn, ny e harvaantyn, ny pobble y cheer, geill da goan y Chiarn, loayr eh liorish yn adeyr Jeremiah.

Jeremiah 37:2 ပူးပေါင်းရင်းမြစ်များ

2 Samuel 10:2

Eisht dooyrt David, Neem’s my chenjallys y yeeaghyn da Hanun mac Nahash, myr hoilshee e ayr aigney-mie dooys. As hug David e harvaantyn dy gherjaghey eh son baase e ayrey. As haink sharvaantyn Ghavid gys cheer cloan Ammon.

2 Samuel 12:25

As hug eh fys lesh Nathan y phadeyr; as denmys eh eh Jedidiah, son y ghraih v’ec y Chiarn er.

1 Reeaghyn 14:18

As doanluck ad eh: as ren ooilley Israel dobberan er e hon, cordail rish goo’n Chiarn, loayr eh liorish e harvaant Ahijah yn phadeyr.

1 Reeaghyn 16:7

As myrgeddin, liorish yn phadeyr Jehu mac Hanani, haink goo’n Chiarn noi Baasha, as noi e hie, eer son ooilley’n olk ren eh ayns shilley’n Chiarn, ayns brasnaghey eh gys corree liorish obbyr e laueyn, as dy row eh casley rish thie Yeroboam, as er-yn-oyr dy varr eh eh.

2 Recortyssyn 36:11

Va Zedekiah un vleïn as feed d’eash tra ghow eh toshiaght dy reill, as ren eh reill un vleïn jeig ayns Jerusalem.

Exodus 4:13

As dooyrt eh, O my Hiarn, cur dty haghteraght, ta mee guee ort, liorishyn ta ny s’fondagh er y hon.

Raaghyn Creeney 26:6

Eh ta coyrt chaghteraght liorish laue ommydan, t’eh myr dy beagh ny cassyn giarit jeh, as t’eh geddyn coayl.

Raaghyn Creeney 29:12

My ta fer-reill cur cleaysh da breagyn, bee ooilley e harvaantyn olk.

Jeremiah 34:2

Myr shoh ta’n Chiarn, Jee Israel, dy ghra, Immee as loayr rish Zedekiah ree Yudah, as insh da; Myr shoh ta’n Chiarn gra, Cur-my-ner, ver-yms yn ard-valley shoh gys laue ree Vabylon, as nee eh lostey eh lesh aile.

Ezekiel 21:25

As uss phrince mee-chrauee olk dy Israel, ta’n laa er jeet, ver jerrey er dty vee-chairys.

Hosea 12:10

Ta mee myrgeddin er loayrt liorish ny phadeyryn, as er vishaghey ashlishyn, as chliaghtee mee co-soylaghyn, liorish shirveish ny phadeyryn.

Leviticus 8:36

Myr shen ren Aaron as e vec cooilleeney dy chooilley nhee, myr va’n Chiarn er n’oardaghey liorish laue Voses.

1 Thessalonianee 4:8

Eshyn er-y-fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.