Jeremiah 33:2 - Yn Vible Casherick 1775 1819

² Myr shoh ta’n Chiarn dy ghra, ren y seihll y chroo, yn Chiarn ren eh y chummey, as soiaghey magh eh; ta’n Chiarn yn ennym echey;

Jeremiah 33:2 ပူးပေါင်းရင်းမြစ်များ

Psalmyn 102:16

Tra nee yn Chiarn Sion y hroggal seose: as tra vees y ghloyr echey er ny hoilshaghey;

Psalmyn 87:5

As mychione Sion bee eh er ny ghra, dy row eh er ny ruggey aynjee: as nee yn Er smoo syrjey ee y niartaghey.

Exodus 15:3

Ta’n Chiarn yn ard er-caggee; Jehovah yn ennym echey.

Exodus 6:3

As hoilshee mee mee-hene da Abraham, da Isaac, as da Jacob, liorish ennym yn jee ooilley-niartal, agh liorish my ennym JEHOVAH cha row enney oc orrym.

Isaiah 14:32

Cre’n ansoor ver fer eisht da chaghteryn ny ashoonyn? Eer dy vel y Chiarn er niartaghey Zion, as ver boghtyn e phobble nyn marrant ersyn.

Isaiah 37:26

Nagh vel uss er chlashtyn foddey er-dy-henney, kys ta mish er n’yannoo eh; as er-dyn chenn earish, kys ta mish er oardrail eh? nish ta mee er chooilleeney eh, dy beagh uss ry-hoi stroie ard-valjyn voallit gys tholtanyn traartagh.

Isaiah 42:8

Mish y Chiarn; shen m’ennym: as my ooashley cha der-ym da fer erbee elley, ny my voylley da jallooyn grainnit.

Isaiah 43:1

Agh nish, ta’n Chiarn ren dty chroo gra, O Yacob, as eshyn ren dty chummey, O Israel, Ny bee aggle ort; son ta mee er dty eaysley; t’ou uss enmyssit orrym’s, t’ou uss lhiam’s.

Isaiah 43:21

Ta mee er chummey yn pobble shoh dou hene; nee ad my voylley y hoilshaghey magh.

Isaiah 62:7

As ny cur-jee fea da, derrey ver eh shickyrys, as derrey nee eh jannoo Jerusalem ny voylley er y thalloo.

Jeremiah 10:16

Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Jeremiah 16:21

Shen-y-fa, cur-my-ner, ver-ym toiggal daue yn un cheayrt shoh, ver-ym orroo goaill tastey jeh my laue as jeh my niart; as bee fys oc dy vel mish enmyssit y Chiarn.

Jeremiah 32:18

T’ou soilshaghey kenjallys-ghraihagh da thousaneyn, as cooilleeney mee-chairys ny ayraghyn gys oghrish nyn gloan nyn yeï: yn Jee mooar as niartal, Chiarn ny flaunyssee yn ennym echeysyn,

Jeremiah 51:19

Cha vel Eiraght Yacob goll-roosyn; son she eshyn t’er chroo dy chooilley nhee; as ta Israel cronney e eiraght; Yn Chiarn ny flaunyssee yn ennym echey.

Amos 5:8

Shir-jee huggeysyn ta jannoo ny shiaght rollageyn, as Orion, as chyndaa scadoo yn vaaish gys soilshey yn voghrey, as yn laa gys dorraghys yn oie: ta geamagh er ushtaghyn ny marrey, as deayrtey magh ad er eaghtyr ny hooirey, yn Chiarn yn ennym echey:

Amos 9:6

She eshyn eh ta troggal e hiamyryn ard ayns niau, as t’er chiaddey earroo [e chretooryn] er y thalloo; eshyn ta geamagh son ushtaghyn ny marrey, as deayrtey ad magh er eaghtyr y thallooin: yn Chiarn yn ennym echey.

Hebrewnee 11:10

Son v’eh jerkal rish ard-valley er undinyn [shickyr], jeant as troggit liorish Jee.

Hebrewnee 11:16

Agh nish t’ad geearree cheer share, ta shen, cheer flaunyssagh: shen-y-fa cha vel Jee mooaraghey dy ve enmyssit yn Jee ocsyn: son t’eh er chiarail ard-valley er nyn son.

Ashlish 21:10

As hug eh lesh mee ersooyl ayns y spyrryd gys slieau mooar ard, as yeeagh eh dou yn ard-valley, yn Jerusalem casherick, cheet neose ass niau veih Jee,

Ashlish 21:2

As honnick mish Ean yn ard-valley casherick, yn Jerusalem noa, cheet neose veih Jee ass niau, soit magh myr ben-phoosee coamrit son e sheshey.