Jeremiah 32:8 - Yn Vible Casherick 1775 1819

⁸ Myr shen haink Hanameel, mac my naim, hym, ayns cooyrt y phryssoon, rere goo yn Chiarn, as dooyrt eh rhym, Kionnee my vagher, ta mee guee ort, ta ayns Anathoth, ayns cheer Venjamin: son ta’n cairys eiraght aynyd’s, as lhiat’s ta’n feaysley; kionnee eh dhyt hene. Eisht hoig mee dy nee goo yn Chiarn va shoh.

Jeremiah 32:8 ပူးပေါင်းရင်းမြစ်များ

1 Reeaghyn 2:26

As rish Abiathar yn saggyrt loayr yn ree, Cosne uss gys Anathoth, gys dty vagheryn hene; son t’ou uss toilchin baase: agh cha der-yms oo gy-baase ec y traa shoh, er-y-fa dy ren oo gymmyrkey arg y Chiarn Jee kiongoyrt rish David my ayr, as er-yn-oyr dy vel oo er ve seaghnit ayns ooilley seaghyn my ayrey.

1 Reeaghyn 22:25

As dooyrt Micaiah, Cur-my-ner, nee uss fakin er y laa shen, tra hed oo stiagh veih shamyr gys shamyr dy ollaghey oo-hene.

1 Recortyssyn 6:60

As jeh tribe Venjamin; Geba, marish e gleebyn; as Alemeth, as e gleebyn; as Anathoth as e gleebyn. Ooilley ny ard-valjyn mastey nyn gynneeyn va three ard-valley jeig.

Jeremiah 1:1

Goan Yeremiah mac Hilkiah, jeh ny saggyrtyn va ayns Anathoth, ayns cheer Venjamin:

Jeremiah 32:2

Shen y traa ren armeeyn ree Vabylon cruinnaghey stiagh Jerusalem: as va Jeremiah yn phadeyr jeight seose ayns cooyrt y phryssoon, va liorish thie ree Yudah.

Jeremiah 32:25

As t’ou er ghra rhym, O Hiarn Yee, kionnee yn magher son argid, as gow feanishyn; ga dy vel yn ard-valley er ny choyrt gys laue ny Caldeanee.

Jeremiah 32:7

Cur-my-ner, hig Hanameel, mac Shallum, dty naim, hood’s, gra, Kionnee yn magher aym’s t’ayns Anathoth; son ta’n cairys feayslee aynyd’s dy chionnaghey eh.

Jeremiah 33:1

Ny-sodjey, haink goo yn Chiarn gys Jeremiah yn nah cheayrt, (choud’s v’eh foast ny phryssoonagh ayns cooyrt y phryssoon,) gra,

Jeremiah 37:12

Eisht hie Jeremiah magh ass Jerusalem dy gholl gys cheer Venjamin, dy ve ec shee ayns shen mastey’n pobble.

Ezekiel 12:7

As ren mee myr va mee er my harey: hug mee lhiam magh my chooid ’sy laa, myr chooid ry-hoi cappeeys, as ec yn astyr, chleiy mee trooid y voalley lesh my laue, hug mee lhiam magh eh ayns y cho-leayrtys, as dymmyrk mee eh er my gheayltyn ayns y chilley oc.

Zechariah 11:11

As ve brisht er y laa shen: myr shen hoig reyggyryn treih yn chioltane, ren farkiaght orrym, dy nee goo yn Chiarn ve.

Noo Ean 4:53

Myr shen va fys ec yn ayr dy nee ayns yn oor cheddin va Yeesey er ghra rish, Ta dty vac bio; as ren eh-hene credjal as ooilley e hie.