Jeremiah 32:7 - Yn Vible Casherick 1775 1819

⁷ Cur-my-ner, hig Hanameel, mac Shallum, dty naim, hood’s, gra, Kionnee yn magher aym’s t’ayns Anathoth; son ta’n cairys feayslee aynyd’s dy chionnaghey eh.

Jeremiah 32:7 ပူးပေါင်းရင်းမြစ်များ

1 Reeaghyn 14:5

As dooyrt y Chiarn rish Ahijah, Cur-my-ner, ta ben Yeroboam cheet dy hirrey aghin ort son e mac, son t’eh ching: shoh, as myr shoh nee oo loayrt r’ee; son shoh myr vees eh, tra hig ee stiagh, dy lhiggys ee urree dy ve ben elley.

Jeremiah 1:1

Goan Yeremiah mac Hilkiah, jeh ny saggyrtyn va ayns Anathoth, ayns cheer Venjamin:

Jeremiah 11:21

Shen-y-fa myr shoh ta’n Chiarn dy ghra mychione deiney Anathoth, ta shêgin er dty vioys, gra, Ny jean phadeyrys ayns ennym y Chiarn, er-aggle dy jed oo er stroie liorish ny laueyn ainyn:

Jeremiah 32:6

As dooyrt Jeremiah, Haink goo yn Chiarn hym’s, gra,

Jeremiah 32:8

Myr shen haink Hanameel, mac my naim, hym, ayns cooyrt y phryssoon, rere goo yn Chiarn, as dooyrt eh rhym, Kionnee my vagher, ta mee guee ort, ta ayns Anathoth, ayns cheer Venjamin: son ta’n cairys eiraght aynyd’s, as lhiat’s ta’n feaysley; kionnee eh dhyt hene. Eisht hoig mee dy nee goo yn Chiarn va shoh.

Leviticus 25:23

Cha jean shiu yn thalloo y chreck son dy bragh: son lhiam’s y thalloo; son cha vel shiu agh myr joarreeyn as jiuleanyn dooys.

Leviticus 25:24

As ayns ooilley thalloo nyn eiraght, nee shiu lowal reamys-feaysley son y thalloo.

Leviticus 25:25

My ta dty vraar er jeet dy ve boght, as er chreck ersooyl kuse jeh e eiraght, as my hig veg jeh e chynney dy eaysley eh, eisht bee cairys-feaysley echeysyn jeh shen ny chreck e vraar.

Leviticus 25:34

Agh ny gleebyn, mysh ny ard-valjyn oc, cha vod ve creckit; son shen nyn eiraght shickyr.

Leviticus 25:49

Foddee e naim, ny mac e naim eshyn y casley, ny fer erbee jeh e chynney; ny my ta fort echey, foddee eh feaysley eh hene.

Earrooyn 35:2

Cur sarey da cloan Israel, dy der ad da ny Leviteyn, ass eiraght nyn gummal, ard-valjyn dy chummal ayndoo: as ver shiu myrgeddin da ny Leviteyn gleebyn, son ny ard-valjyn ooilley mygeayrt-y-moo.