Jeremiah 32:5 - Yn Vible Casherick 1775 1819

⁵ As ver eh lesh Zedekiah gys Babylon, as bee eh ayns shen derrey yeeagh-yms er, ta’n Chiarn dy ghra: ga dy jean shiu caggey rish ny Caldeanee, cha vow shiu laue yn eaghtyr?

Jeremiah 32:5 ပူးပေါင်းရင်းမြစ်များ

2 Recortyssyn 13:12

As cur-my-ner, ta Jee hene mârin son nyn leeideilagh, as e haggyrtyn lesh trumpetyn feiyral, dy hroggal larm nyn ’oï eu: O chloan Israel, ny jean-jee caggey noi’n Chiarn Jee nyn ayraghyn, son cha jig eh lhieu.

2 Recortyssyn 24:20

As haink Spyrryd Yee er Zechariah mac Jehoiada yn saggyrt, hass seose fenish y pobble, as dooyrt eh roo, Myr shoh ta Jee dy ghra, Cre’n-fa ta shiu brishey annaghyn y Chiarn, nagh vod shiu bishaghey? er-yn-oyr dy vel shiu er hreigeil y Chiarn, t’eshyn myrgeddin er hreigeil shiuish.

Raaghyn Creeney 21:30

Cha vel creenaght, ny tushtey, ny coyrle, noi yn Chiarn.

Jeremiah 2:37

Dy jarroo, hed oo magh voish [dobberan], lesh dty laueyn er dty chione: son ta’n Chiarn er choyrt sheese dy varrantee, as cha bee ayd foays erbee lioroo.

Jeremiah 27:22

Bee ad currit lhieu ersooyl gys Babylon, as bee ad ayns shen derrey’n laa jeeagh-yms orroo, ta’n Chiarn dy ghra: eisht ver-yms lhiam seose ad, as nee’m ad y hoiaghey reesht ’syn ynnyd shoh.

Jeremiah 32:24

Cur-my-ner ny tooryn-caggee: t’ad er jeet gys yn ard-valley dy ghoaill eh; as ta’n ard-valley livreït gys laue ny Caldeanee ta caggey n’oï, lesh y chliwe as y ghortey, as y phaitt: as ta dty ghoan er nyn gooilleeney; as cur-my-ner, t’ou dy akin eh.

Jeremiah 32:6

As dooyrt Jeremiah, Haink goo yn Chiarn hym’s, gra,

Jeremiah 33:5

T’ad cheet dy chaggey rish ny Caldeanee, agh she dy lhieeney ad lesh kirp deiney marroo, ta mish er choyrt gy-baase ayns my chorree, as ayns my eulys, as son ooilley yn olkys oc ta mee er hyndaa my eddin veih’n ard-valley shoh.

Jeremiah 37:10

Son ga dy beagh shiu er woalley slane armee ny Caldeanee ta caggey nyn ’oï, as nagh beagh faagit jeu agh deiney lhottit; ny-yeih yinnagh eer ad shen girree seose dagh dooinney ayns e chabbane, as loshtagh ad yn ard-valley shoh lesh aile.

Jeremiah 39:4

As haink eh gy-kione, tra honnick Zedekiah ree Yudah ad, as ooilley ny fir-chaggee, chossyn ad roue, as daag ad yn ard-valley ’sy dorraghys, goaill raad garey yn ree, er y yiat eddyr y daa voalley, jannoo son y cheer-rea.

Jeremiah 39:5

Agh deiyr armee ny Caldeanee orroo, as verr ad er Zedekiah ayns cheer-rea Yericho: as tra v’ad er ghoaill eh, hug ad lhieu seose eh gys Nebuchadrezzar ree Vabylon gys Riblah, ayns cheer Hamath, raad hug eh briwnys n’oï.

Jeremiah 39:7

Ny-sodjey, hug eh sooillyn Zedekiah ass, as hug eh ayns geulaghyn eh, dy chur lesh eh gys Babylon.

Dobberan 1:14

Ta quing my loghtyn kianlt orrym liorish e laue’s: t’ad cast, as chionnit mysh my wannal: t’eh er lhaggaghey my niart, ta’n Chiarn er my livrey gys ny laueyn ocsyn nagh voddym shaghney.

Ezekiel 12:12

As y prince ta ny mast’ oc, nee eh gymmyrkey er e gheaylin ’sy cho-leayrtys, as hed eh magh: nee ad jannoo baarney trooid y voalley, dy chur lhieu magh ny hrooid: nee eh e eddin y choodaghey, nagh vaik eh yn thalloo lesh e hooillyn.

Ezekiel 12:13

My lieen myrgeddin neem’s skeayley ersyn, as bee eh goit ayns my ribbey; as ver-ym lhiam eh gys Babylon, cheer ny Caldeanee, ny-yeih cha jean eh fakin eh, ga dy vow eh baase ayns shen.

Ezekiel 17:15

Agh dirree eh magh n’oï, ayns cur e haghteryn reeoil gys Egypt, son cabbil, as niart sleih: jean eh bishaghey, vod aïgh mie ve leshyn ta jannoo lheid shoh? as bee eshyn er ny livrey ta brishey yn conaant?

Earrooyn 14:41

As dooyrt Moses, Cre’n-fa ta shiu nish jannoo noi sarey’n Chiarn? agh cha jig eh lhieu.