Jeremiah 32:41 - Yn Vible Casherick 1775 1819

⁴¹ Neem’s eer boggey ’ghoaill harrystoo dy yannoo mie daue, as ver-ym daue cummal shickyr ’sy cheer shoh lesh ooilley my chree, as ooilley my annym.

Jeremiah 32:41 ပူးပေါင်းရင်းမြစ်များ

Psalmyn 80:8

T’ou er choyrt lhiat billey-feeyney magh ass Egypt: t’ou er n’eiyrt magh ny ashoonyn-quaagh, as er hoiaghey eh.

Isaiah 60:21

Bee dty phobble myrgeddin ooilley ynrick: bee yn cheer oc son eiraght beayn, banglane my hoiaghey, my obbyr-lauee hene, dy voddym’s v’er my ghloyraghey.

Isaiah 62:4

Cha bee uss ny smoo enmyssit Yn unnane treigit: chamoo vees dty heer ny lurg shoh enmyssit Traartys: agh bee uss enmyssit Hephzibah, as dty heer Beulah: son ta’n Chiarn goaill taitnys aynyd, as bee dty heer poost rish.

Isaiah 62:5

Son myr ta dooinney aeg poosey moidyn, myr shen nee yn Chiarn uss y phoosey: as myr ta’n dooinney-poosee goaill boggey harrish y ven-phoost, myr shen myrgeddin nee dty Yee goaill boggey harryd’s.

Isaiah 65:19

As goyms boggey ayns Jerusalem, as bee’m jeh gien mie ayns my phobble: as cha bee yn coraa dy hrimshey ny-sodjey er ny chlashtyn aynjee, ny’n coraa dy ghobberan.

Jeremiah 18:9

As cre-erbee’n traa loayr-yms mychione ashoon, as mychione reeriaght, dy hroggal, as dy hoiaghey seose eh:

Jeremiah 24:6

Son nee’m my hooillyn y hoiaghey orroo son mie, as ver-ym lhiam reesht ad gys y cheer shoh; as nee’m troggal seose ad, as cha jean-ym ad y lhieggal; as nee’m soiaghey ad, as cha jean-ym ad y astyrt ass ny fraueyn.

Jeremiah 31:28

As hig eh gy-kione, ’naght myr va sooill aym orroo, dy phluckey neose, as dy vrishey sheese, as dy lhieggal, as dy stroie, as dy heaghney; myr shen bee sooill aym orroo, dy hroggal, as dy hoiaghey ta’n Chiarn dy ghra.

Ezekiel 36:36

Eisht bee fys ec ny ashoonee, ta faagit mygeayrt-y-miu, dy vel mish y Chiarn troggal ny ynnydyn va lhieggit, as soiaghey seose shen va follym-faase: ta mish y Chiarn er loayrt, as nee’m mie jeh.

Hosea 14:5

Bee’m myr y druight da Israel: nee eh gaase myr y lilee, as skeaylee eh magh e fraueyn myr Lebanon.

Amos 9:15

As nee’m soiaghey ad er y thalloo oc hene, as cha bee ad arragh er ny astyrt ass y cheer, ta mee er choyrt daue, ta’n Chiarn dty Yee dy ghra.

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Zephaniah 3:17

Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.

Deuteronomy 28:63

As hig eh gy-kione, myr ghow yn Chiarn boggey jiu, dy yannoo mie diu, as dy vishaghey shiu: myr shen bee eh aigney yn Chiarn, dy stroie shiu, as dy choyrt shiu gys veg; as bee shiu astyrit ass y cheer, raad ta shiu goll dy chummal ayn.

Deuteronomy 30:9

As nee’n Chiarn oo y vishaghey ayns ooilley obbraghyn dty laue, ayns sluight dty chorp, ayns ingan dty vaase, as ayns dty vess hallooin son dty vie: son nee’n Chiarn boggey ’ghoaill jeed reesht, son foays dhyt, myr ghow eh boggey jeh dty ayraghyn: