Jeremiah 32:34 - Yn Vible Casherick 1775 1819

³⁴ Agh hoie ad seose nyn yallooyn eajee ayns y thie ta enmyssit orrym, dy yannoo eh an-chasherick.

Jeremiah 32:34 ပူးပေါင်းရင်းမြစ်များ

2 Reeaghyn 21:1

Va Manasseh daa vleïn jeig dy eash tra ghow eh toshiaght dy reill, as ren eh reill queig bleeaney jeig as da-eed ayns Jerusalem. As ennym e voir va Hephzibah.

2 Reeaghyn 23:6

As hug eh lesh magh jalloo ny keylley veih thie yn Chiarn, cheu-mooie jeh Jerusalem, gys strooan Kidron, as losht eh eh ec strooan Kidron, as vroo eh eh cha meein as joan, as spreih eh yn joan er oaiaghyn cloan y phobble.

2 Recortyssyn 33:15

As ghow eh ersooyl ny jeeghyn joarree, as y jalloo ass thie’n Chiarn, as ooilley ny altaryn v’eh er hroggal ayns cronk thie’n Chiarn, as ayns Jerusalem, as hilg eh ad magh ass yn ard-valley.

2 Recortyssyn 36:14

Marish shoh, hie ooilley ny ard-gheiney, as ny saggyrtyn dy mooar er-shaghryn, lurg ooilley drogh chliaghtaghyn ny ashoonee, as ren ad thie’n Chiarn, v’eshyn er ny chasherickey ayns Jerusalem, y yannoo an-chasherick.

Jeremiah 19:4

Er-yn-oyr dy vel ad er my hreigeil, as er an-chasherickey yn voayl shoh, as er lostey incense ayn da jeeghyn joarree, nagh row enney oc hene orroo, ny ec nyn ayraghyn, ny ec reeaghyn Yudah, as dy vel ad er lhieeney yn voayl shoh lesh fuill gyn-loght.

Jeremiah 23:11

Son ta chammah yn phadeyr as y saggyrt mee-chrauee; eer ayns my hie hene ta mee er gheddyn yn vee-chraueeaght oc, ta’n Chiarn dy ghra.

Jeremiah 30:14

Ta ooilley dty ghraihderyn er dty yarrood; cha vel nyn aigney hood: son ta mee er dty lhottey lesh lhott noidey, lesh smaghtaghey fer dewil, son mooadys dty vee-chairys; son dy row dty pheccaghyn ymmodee.

Jeremiah 34:15

Agh ghow shiuish arrys, as ren shiu cairys ayns my hilley, ayns fockley-magh reamys dy chooilley ghooinney da e naboo, as ren shiu conaant kiongoyrt rhym ayns y thie ta enmyssit orrym’s:

Jeremiah 44:4

Ny-yeih hug mish hiuish ooilley my harvaantyn ny phadeyryn, girree dy moghey, as dy choyrt ad, gra, Oh, ny jean-jee yn red dwoaiagh shoh, ta feoh aym er.

Jeremiah 7:10

As jig shiu dy hassoo kiongoyrt rhym’s ’sy thie shoh, ta enmyssit orrym’s, as gra, Ta shin er scapail, ga dy vel shin er n’yannoo ooilley ny reddyn dwoaiagh shoh?

Jeremiah 7:30

Son ta cloan Yudah er n’yannoo olk ayns my hilley’s, ta’n Chiarn dy ghra: t’ad er hoiaghey nyn yallooyn eajee ayns y thie ta enmyssit orrym’s, dy yannoo eh an-chasherick.

Jeremiah 7:31

As t’ad er hroggal altaryn ayns Tophet, ta ayns coan mac Hinnom, dy lostey ny mec as ny inneenyn oc ’syn aile; red nagh doardee mee daue, chamoo haink y lheid ayns my chree.