Jeremiah 32:2 - Yn Vible Casherick 1775 1819

² Shen y traa ren armeeyn ree Vabylon cruinnaghey stiagh Jerusalem: as va Jeremiah yn phadeyr jeight seose ayns cooyrt y phryssoon, va liorish thie ree Yudah.

Jeremiah 32:2 ပူးပေါင်းရင်းမြစ်များ

2 Reeaghyn 25:1

As haink eh gy-kione, ayns y nuyoo vleïn jeh’n reill echey, ayns y jeihoo vee, er y jeihoo laa jeh’n vee, dy daink Nebuchadnezzar ree Vabylon, eh-hene as ooilley’n cheshaght-chaggee echey, noi Jerusalem, as ren ad campal n’oï, as hrog ad tooryn n’oï cruin mygeayrt.

Nehemiah 3:25

Palai mac Uzai, veih chyndaa yn voalley, as y toor, ta magh veih thie ard y ree, va liorish cooyrt y phryssoon: ny lurg-syn Pedaiah mac Parosh.

Psalmyn 88:8

Ta mee cha shickyr ayns pryssoon: nagh voddym geddyn ass.

Jeremiah 32:3

Son va Zedekiah ree Yudah er yeigh seose eh, gra, Cre’n-fa t’ou uss phadeyrys, as gra, Myr shoh ta’n Chiarn dy ghra, Cur-my-ner, ver-yms yn ard-valley shoh gys laue ree Vabylon, as nee eh goaill eh;

Jeremiah 32:8

Myr shen haink Hanameel, mac my naim, hym, ayns cooyrt y phryssoon, rere goo yn Chiarn, as dooyrt eh rhym, Kionnee my vagher, ta mee guee ort, ta ayns Anathoth, ayns cheer Venjamin: son ta’n cairys eiraght aynyd’s, as lhiat’s ta’n feaysley; kionnee eh dhyt hene. Eisht hoig mee dy nee goo yn Chiarn va shoh.

Jeremiah 33:1

Ny-sodjey, haink goo yn Chiarn gys Jeremiah yn nah cheayrt, (choud’s v’eh foast ny phryssoonagh ayns cooyrt y phryssoon,) gra,

Jeremiah 34:1

Yn goo haink gys Jeremiah veih’n Chiarn, tra ren Nebuchadrezzar ree Vabylon, as ooilley e heshaghtyn-caggee, as ooilley reeriaghtyn y thallooin va ’syn ammys echeysyn, as dy chooilley phobble, caggey noi Jerusalem, as noi ooilley e ard-valjyn gra,

Jeremiah 36:5

As doardee Jeremiah da Baruch, gra, Ta mish jeight seose; cha voddym goll gys thie yn Chiarn:

Jeremiah 37:15

Shen-y-fa va ny princeyn corree rish Jeremiah, as woaill ad eh, as hug ad eh ayns pryssoon, ayns thie Yonathan y scrudeyr, son ersyn va currym y phryssoon.

Jeremiah 37:21

Eisht doardee Zedekiah yn ree Jeremiah dy ve ayns cooyrt y phryssoon, as dy choyrt da gagh laa lowanse arran veih straïd y fuinneyder, derrey veagh ooilley’n arran ’syn ard-valley baarit. Myr shoh duirree Jeremiah ayns cooyrt y phryssoon.

Jeremiah 37:4

Nish va Jeremiah cheet stiagh, as goll magh mastey yn pobble; son cha row ad foast er choyrt eh ayns pryssoon.

Jeremiah 38:13

Myr shen hayrn ad seose Jeremiah lesh ny coyrdyn, as ghow ad eh ass y dungeon: as duirree Jeremiah ayns cooyrt y phryssoon.

Jeremiah 38:6

Eisht ghow ad Jeremiah, as hilg ad eh ayns dungeon Valchiah mac Hammelech, va ayns cooyrt y phryssoon: as lhig ad sheese Jeremiah lesh coyrdyn. As ayns y dungeon cha row ushtey erbee, agh laagh; myr shen dy row Jeremiah dowin ’sy laagh.

Noo Mian 5:12

Gow-jee boggey, as bee-jee erskyn-towse gennal: son s’mooar ta nyn leagh ayns niau: son shoh myr ren ad tranlaase er ny phadeyryn va rhymbiu.