Jeremiah 32:16 - Yn Vible Casherick 1775 1819

¹⁶ Nish tra va mee er livrey yn bargane-kionnee da Baruch mac Neriah, ghow mee padjer gys y Chiarn, gra,

Jeremiah 32:16 ပူးပေါင်းရင်းမြစ်များ

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jeremiah 32:12

As hug mee yn bargane-kionnee da Baruch mac Neriah, mac Vaaseiah, ayns shilley Hanameel mac my naim, as kiongoyrt rish ny feanishyn hug nyn laueyn gys yn vargane-kionnee, fenish ooilley ny Hewnyn va nyn soie ayns cooyrt y phryssoon.

Jeremiah 45:1

Yn goo loayr y phadeyr Jeremiah rish Baruch mac Neriah, tra v’eh er scrieu ny goan shoh ayns lioar veih beeal Yeremiah, ’sy chiarroo vleïn jeh reill Yehoiakim mac Yosiah, ree Yudah, gra,