Jeremiah 32:12 - Yn Vible Casherick 1775 1819

¹² As hug mee yn bargane-kionnee da Baruch mac Neriah, mac Vaaseiah, ayns shilley Hanameel mac my naim, as kiongoyrt rish ny feanishyn hug nyn laueyn gys yn vargane-kionnee, fenish ooilley ny Hewnyn va nyn soie ayns cooyrt y phryssoon.

Jeremiah 32:12 ပူးပေါင်းရင်းမြစ်များ

Jeremiah 32:13

As hug mee currym er Baruch ’syn eanish ocsyn, gra,

Jeremiah 32:16

Nish tra va mee er livrey yn bargane-kionnee da Baruch mac Neriah, ghow mee padjer gys y Chiarn, gra,

Jeremiah 36:26

Agh doardee yn ree da Jerahmeel mac Hammelech, as Seraiah mac Azriel, as Shelemiah mac Abdeel, dy ghoaill yn scrudeyr Baruch, as Jeremiah yn phadeyr: agh ren y Chiarn ad y cheiltyn.

Jeremiah 36:32

Eisht ghow Jeremiah lioar elley, as hug eh da Baruch yn scrudeyr eh, mac Neriah; ren scrieu ayn veih beeal Yeremiah, ooilley ny goan va ’sy lioar va Jehoiakim ree Yudah er lostey ’syn aile: as va currit huc mâroo shen ymmodee goan elley jeh’n vree cheddin.

Jeremiah 51:59

Yn goo hug Jeremiah yn phadeyr ayns currym da Seraiah mac Neriah, mac Vaaseiah, tra hie eh marish Zedekiah ree Yudah gys Babylon, ’sy chiarroo vleïn jeh e reill. As va Seraiah shoh ny ard-shamyrder reeoil.

2 Corinthianee 8:21

Kiarail ro-laue reddyn onneragh, cha nee ny-lomarcan ayns shilley’n Chiarn, agh myrgeddin ayns shilley gheiney.