Jeremiah 30:9 - Yn Vible Casherick 1775 1819

⁹ Agh shirveishee ad yn Chiarn y Jee oc hene, as David nyn ree, eshyn trog-yms seose daue.

Jeremiah 30:9 ပူးပေါင်းရင်းမြစ်များ

Psalmyn 89:49

Cooinee, Hiarn, er yn oltooan t’ec dty harvaantyn: as kys ta mee gymmyrkey ayns m’oghrish scammyltyn ymmodee sleih;

Jeremiah 23:5

Cur-my-ner, ta ny laghyn cheet, ta’n Chiarn dy ghra, dy drog-yms seose gys David Banglane cairal, as nee Ree reill as bishaghey, as briwnys as ynrickys y chooilleeney er y thalloo.

Jeremiah 29:11

Son ta fys aym cre t’ayns my chree nyn gour, ta’n Chiarn dy ghra, smooinaghtyn dy hee, as cha nee dy cherraghey, dy chur diu yn jerrey ta shiu jerkal er y hon.

Jeremiah 30:21

As bee ny deiney ooasle oc jeu hene, as voish ny mast’ oc hene nyn giannoort; as ver-yms er dy heet er-gerrey dou, as bee eh liorym: son quoi elley t’er ghoaill ayns e chree dy heet cha faggys dooys? ta’n Chiarn dy ghra.

Jeremiah 33:15

Ayns ny laghyn shen, as ec y traa shen, trog-yms seose da David yn Vanglane dy chairys; as nee eh briwnys as cairys y hirveish ’sy cheer.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Noo Mian 2:2

Gra, Cre vel ree ny Hewnyn t’er jeet er y theihll? son honnick shin y rollage echey ayns y shiar, as ta shin er jeet dy chur ooashley da.

Noo Luke 1:69

As t’eh er hroggal seose saualtys niartal er nyn son, ayns thie e harvaant David;

Jannoo 13:23

Jeh sluight y dooinney shoh ta Jee, cordail rish e ghialdyn, er hroggal seose da Israel Saualtagh Yeesey:

Jannoo 13:34

As mychione dy hrog eh seose eh veih ny merriu, as nagh row eh arragh dy hyndaa gys loauid, dooyrt eh er yn aght shoh, Ver-yms diu myghinyn shickyr Ghavid.

Jannoo 2:30

Shen-y-fa myr v’eh ny adeyr as fys echey dy row Jee er ghialdyn lesh breearrey da, jeh sluight e veeghyn, lurg yn dooghys foalley, dy droggagh eh seose Creest dy hoie er y stoyl-reeoil echeysyn: