Jeremiah 30:3 - Yn Vible Casherick 1775 1819

³ Son cur-my-ner, ta ny laghyn cheet, ta’n Chiarn dy ghra, dy jyndaa-yms reesht cappeeys my phobble Israel as Judah, ta’n Chiarn dy ghra; as ver-yms orroo dy hyndaa gys y cheer hug mee da nyn ayraghyn, as yiow ad eh ayns nyn gummal.

Jeremiah 30:3 ပူးပေါင်းရင်းမြစ်များ

Ezra 3:1

Er y chiaghtoo vee, tra va cloan Israel ec fea ayns ny baljyn, ren y pobble ad-hene y haglym cooidjagh, myr un dooinney, ec Jerusalem.

Ezra 3:12

Agh ren ymmodee jeh ny saggyrtyn as Leviteyn, as ny ard-ayraghyn, ny shenn gheiney v’er vakin y chied chiamble, tra va undin y thie shoh layit kiongoyrt rish nyn sooillyn, keayney lesh ard choraa, choud as va ymmodee elley gyllagh dy ard son boggey.

Ezra 3:8

Nish, ayns y nah vleïn lurg daue v’er jeet dy hroggal thie Yee ec Jerusalem, ayns y nah vee, ghow Zerubbabel mac Shealtiel toshiaght marish Jeshua mac Yozadak, as y chooid elley jeh nyn mraaraghyn, ny saggyrtyn, as ny Leviteyn, as ooilley ny v’er jeet ass y chappeeys gys Jerusalem, as doardee ad ny Leviteyn, veih feed bleïn dy eash, as erskyn, dy choyrt er y hoshiaght obbyr thie’n Chiarn:

Psalmyn 126:4

Ta’n Chiarn, dy feer, er n’yannoo hannah reddyn yindyssagh er nyn son: jeu ta shin goaill boggey.

Psalmyn 53:6

V’ad agglit raad nagh row oyr aggle: son ta Jee er vrishey ny craueyn echeysyn ren soiaghey ort; t’ou er choyrt ad gys nearey, son dy vel Jee er hoiaghey beg jeu.

Jeremiah 16:15

Agh, ta’n Chiarn bio hug lesh seose cloan Israel veih’n cheer my-hwoaie, as veih dy chooilley heer raad va mee er n’imman ad: as ver-ym lhiam ad reesht gys y cheer oc hene hug mee da nyn ayraghyn.

Jeremiah 23:5

Cur-my-ner, ta ny laghyn cheet, ta’n Chiarn dy ghra, dy drog-yms seose gys David Banglane cairal, as nee Ree reill as bishaghey, as briwnys as ynrickys y chooilleeney er y thalloo.

Jeremiah 27:11

Agh ny ashoonyn ta coyrt nyn mwannal fo quing ree Vabylon, as dy hirveish eh, adsyn faag-yms er-mayrn ayns y cheer oc hene, ta’n Chiarn dy ghra; as nee ad laboraght as cummal ayn.

Jeremiah 27:22

Bee ad currit lhieu ersooyl gys Babylon, as bee ad ayns shen derrey’n laa jeeagh-yms orroo, ta’n Chiarn dy ghra: eisht ver-yms lhiam seose ad, as nee’m ad y hoiaghey reesht ’syn ynnyd shoh.

Jeremiah 29:10

Son shoh myr ta’n Chiarn dy ghra, Lurg diu v’er n’yannoo magh three-feed bleïn as jeih ec Babylon, jeeagh-yms erriu, as cooilleen-yms my ockle mie erriuish, ayns coyrt erriu dy hyndaa reesht gys yn ynnyd shoh.

Jeremiah 29:14

As yiow shiu mish foayroil diu, ta’n Chiarn dy ghra; as chyndaa-yms ersooyl yn cappeeys eu, as neem’s shiu y haglym ass dy chooilley ashoon, as veih dy chooilley ynnyd, raad ta mee er n’eiyrt shiu, dooyrt y Chiarn; as ver-ym lhiam shiu reesht gys y voayl veih shen deiyr mee shiu gys cappeeys.

Jeremiah 3:18

Ayns ny laghyn shen nee thie Yudah gimmeeaght marish thie Israel, as hig ad cooidjagh ass cheer y twoaie gys y cheer ta mee er choyrt son eiraght da nyn ayraghyn.

Jeremiah 30:10

Shen-y-fa ny gow aggle, O my harvaant Jacob, ta’n Chiarn dy ghra; as ny lhig sheese, dty chree, O Israel: son cur-my-ner saue-yms oo veih foddey, as dty luight veih cheer nyn gappeeys; as nee Jacob chyndaa, as bee eh ayns shee as sauchys, as cha bee eh ayns aggle roish noid erbee.

Jeremiah 30:18

Shoh myr ta’n Chiarn dy ghra, Cur-my-ner, ver-ym lhiam reesht cappeeys cabbaneyn Yacob, as bee myghin aym er ny ynnydyn-vaghee echey; as bee yn ard-valley troggit reesht er e shenn undin, as bee yn chiamble shassoo myr ve roïe.

Jeremiah 30:4

As shoh ny goan loayr y Chiarn mychione Israel, as mychione Judah.

Jeremiah 31:16

Shoh goo yn Chiarn, Cur fea da dty choraa veih keayney, as da dty hooillyn veih jeïr; son bee dty obbyr er ny chooilleeney, ta’n Chiarn dy ghra; as hig ad thie reesht veih cheer y noid.

Jeremiah 31:23

Myr shoh ta Chiarn ny flaunyssee, Jee Israel, dy ghra, Nee ad foast gimraa ny goan shoh ayns cheer Yudah, as ayns ny ard-valjyn oc, tra nee’m yn chappeeys oc y hyndaa, Dy bannee yn Chiarn oo, O ynnyd-vaghee dy chairys, as y cronk dy chasherickys.

Jeremiah 31:27

Cur-my-ner, ta ny laghyn cheet, ta’n Chiarn dy ghra, dy jean-yms thie Israel, as thie Yudah y chuirr lesh sluight dooinney, as sluight baagh.

Jeremiah 31:31

Cur-my-ner, ta ny laghyn cheet, ta’n Chiarn dy ghra, dy jean-yms conaant noa rish thie Israel, as rish thie Yudah;

Jeremiah 31:38

Cur-my-ner, ta ny laghyn cheet, ta’n Chiarn dy ghra, dy bee yn ard-valley troggit reesht gys y Chiarn, veih toor Hananeel gys y yiat chorneilagh.

Jeremiah 32:37

Cur-my-ner, chaglym’s ad ass dy chooilley heer raad deiyr mee ad ayns my chorree, as ayns my eulys, as my yymmoose hrome; as ver-ym lhiam ad reesht gys yn ynnyd shoh, as ver-yms orroo dy chummal ayns sauchys:

Jeremiah 32:44

Nee sleih kionnaghey magheryn son argid, as ver ad nyn laueyn as sealyn gys barganeyn, as gowee ad feanishyn ayns cheer Venjamin, as ayns ny ardjyn mysh Jerusalem, as ayns ard-valjyn Yudah, as ayns ard-valjyn ny sleityn, as ayns ard-valjyn ny glionney, as ayns ard-valjyn y jiass: son ver-yms chyndaa da’n chappeeys oc, ta’n Chiarn dy ghra.

Jeremiah 33:26

Eisht jioold-yms rish sluight Yacob, as David my harvaant, myr shen nagh goym’s veg jeh’n chynney shen dy ve reiltee harrish sluight Abraham, Isaac, as Jacob: son ver-yms chyndaa da’n chappeeys oc, as bee’m myghinagh daue.

Jeremiah 51:60

Myr shoh scrieu Jeremiah ayns lioar ooilley ny huilk va kiarit er Babylon, eer ooilley ny goan shoh ta scruit noi Babylon.

Ezekiel 20:42

As bee fys eu, dy nee mish y Chiarn, tra ver-ym lhiam shiu gys thalloo Israel, gys y cheer my-e-chione ren mee breearrey dy choyrt eh da nyn ayraghyn.

Ezekiel 34:13

As ver-ym lhiam magh ad veih yn pobble, as chaglym ad veih ny cheeraghyn, as ver-ym lhiam ad gys nyn dhalloo hene, as fassee-ym ad er sleityn Israel, rish ny awinyn, ayns dy chooilley ard jeh’n cheer ta cummaltee ayn.

Ezekiel 36:24

Son goyms shiu veih mastey ny ashoonee, as chaglym shiu ass ooilley ny cheeraghyn, as ver-ym lhiam shiu gys nyn dhalloo hene.

Ezekiel 47:14

As nee shiu shen y ghoaill myr eiraght, chammah fer as fer elley: my-e-chione ren mee breearrey dy choyrt shen da nyn ayraghyn, as nee yn thalloo goll lhieuish myr eiraght.

Joel 3:1

Son cur-jee my-ner, ayns ny laghyn shen, as ec y traa cheddin, tra ver-yms chyndaa da cappeeys Yudah as Yerusalem,

Zephaniah 2:7

As bee ny ardjyn cheddin son fooilliagh thie Yudah, nee ad beaghey er shen: ayns thieyn Ashkelon nee ad lhie sheese ’syn astyr: son nee yn Chiarn yn Jee oc jeeaghyn orroo, as chyndaa ersooyl nyn gappeeys.

Zephaniah 3:20

Shen y traa ver-yms lhiam shiu reesht, eer ’sy traa nee’m shiu y haglym dy cheilley: son ver-yms diu ennym ooasle as onnoroil, mastey ooilley pobble y thallooin, tra neem’s nyn gappeeys y chaghlaa roish nyn sooillyn, ta’n Chiarn dy ghra.

Noo Luke 17:22

As dooyrt eh rish e ostyllyn, Hig y traa dy bee shiu aignagh dy akin unnane jeh laghyn Mac y dooinney, as cha vaik shiu eh.

Noo Luke 19:43

Son hig ny laghyn ort, tra nee dty noidyn jeeg y yannoo mood, as soie-ee ad ad-hene mygeayrt, as cruinnee ad oo stiagh er dy chooilley heu.

Noo Luke 21:6

Son ny reddyn shoh ta shiu dy akin, hig ny laghyn, tra nagh bee faagit un chlagh er clagh elley nagh bee er ny lhieggal.

Deuteronomy 30:3

Dy jean y Chiarn dty Yee chyndaa dty chappeeys, as bee chymmey echey ort, as nee eh meiyghey, as chaglym shiu ass dy chooilley ashoon, nyn vud ta’n Chiarn dty Yee er dty skeayley.

Deuteronomy 30:5

As ver y Chiarn dty Yee lesh oo reesht gys cheer eiraght dty ayraghyn, as yiow cummal ayn: as bee eh mie rhyt, as oo y vishaghey erskyn dty ayraghyn.

Hebrewnee 8:8

Son geddyn foill daue, t’eh gra, Cur-my-ner, hig ny laghyn (ta’n Chiarn gra) tra nee’m conaant noa rish thie Israel, as rish thie Yudah: