Jeremiah 30:2 - Yn Vible Casherick 1775 1819

² Myr shoh ta’n Chiarn, Jee Israel, loayrt, gra, Scrieu ayns lioar ooilley ny goan ta mee er loayrt rhyt’s.

Jeremiah 30:2 ပူးပေါင်းရင်းမြစ်များ

Exodus 17:14

As dooyrt y Chiarn rish Moses, Scrieu shoh son imraa ayns lioar, as lhig da ve er ny lhaih ayns clashtyn Yoshua; son neem’s dy bollagh stroie ashoon Amalek fo niau.

Isaiah 30:8

Immee nish, scrieu eh kiongoyrt roo er boayrd, as soie sheese eh ayns lioar, dy vod eh ve ry-akin son y traa ry-heet, son dy bragh as dy bragh;

Isaiah 8:1

Ny-sodjey na shoh, dooyrt y Chiarn rhym, Gow lioar vooar, as scrieu ayn lesh goan baghtal mychione Maher-shalal-hash-baz.

Jeremiah 25:13

As cooilleen-yms er y cheer shen ooilley my ghoan ta mee er n’ockley magh n’oï, eer ooilley ny ta scruit ’sy lioar shoh, myr ta Jeremiah er phadeyrys noi ooilley ny ashoonyn cheddin.

Jeremiah 30:1

Yn goo haink gys Jeremiah veih’n Chiarn, gra,

Jeremiah 36:28

Gow reesht lioar elley, as scrieu ayn ooilley ny goan va roïe ayns y chied lioar, ta Jehoiakim ree Yudah er lostey.

Jeremiah 36:32

Eisht ghow Jeremiah lioar elley, as hug eh da Baruch yn scrudeyr eh, mac Neriah; ren scrieu ayn veih beeal Yeremiah, ooilley ny goan va ’sy lioar va Jehoiakim ree Yudah er lostey ’syn aile: as va currit huc mâroo shen ymmodee goan elley jeh’n vree cheddin.

Daniel 12:4

Agh uss, O Ghaniel, jeigh seose ny goan, as seal y lioar, eer gys traa yn jerrey: nee ymmodee roie noon as noal, as bee tushtey er ny vishaghey.

Romanee 15:4

Son cre-erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

1 Corinthianee 10:11

Nish haink ooilley ny reddyn shoh orroosyn son sampleyryn: as t’ad scruit son raaue dooinyn, orrin ta jerrey’n theihll er jeet.

Deuteronomy 31:19

Shen-y-fa nish, scrieu-jee yn arrane-moyllee shoh diu hene, as ynsee-jee eh da cloan Israel: dy vod eh ve oc dy ghoaill, as dy vod yn arrane shoh ve son feanish my lieh noi cloan Israel.

2 Peddyr 1:21

Son cha daink phadeyrys ’sy chenn traa liorish aigney dooinney: agh loayr deiney crauee Yee myr v’ad er nyn leeideil liorish y Spyrryd Noo.

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 1:19

Scrieu ny reddyn t’ou er vakin, as ny reddyn ta, as ny reddyn vees ny yeï shoh,