Jeremiah 3:9 - Yn Vible Casherick 1775 1819

⁹ As shen myr ve, trooid an-ghoo e maarderys, dy ren ee yn cheer neu-ghlen, as poosey y vrishey rish jallooyn cloaie as fuygh.

Jeremiah 3:9 ပူးပေါင်းရင်းမြစ်များ

Isaiah 57:3

Tar-jee er-gerrey gys shoh, shiuish vec yn ven-obbee, shiuish ta sluight y vaarderagh as y streebagh.

Isaiah 57:6

Mastey claghyn shliawn y trooan ta dty chronney; t’adsyn, eer adsyn yn cronney ayd’s; dy jarroo dauesyn t’ou er gheayrtey magh oural-feeyney, t’ou er hebbal oural-arran. Cre’n taitnys oddym’s goaill ayndoo shoh?

Jeremiah 10:8

Agh t’ad ooilley-cooidjagh bolvaneagh as gyn tushtey; ta’n jalloo ny ynsagh dy ardalys.

Jeremiah 16:18

As hoshiaght nee’m cooilleeney dooble y ghoaill son nyn mee-chairys as nyn beccah; er-yn-oyr dy vel ad er n’yannoo my heer neu-ghlen, t’ad er lhieeney my eiraght lesh callinyn nyn reddyn feohdoil as eajee.

Jeremiah 2:27

Gra rish bun billey, She uss my ayr; as rish clagh, T’ou uss er my ymmyrkey: son t’ad er hyndaa nyn gooyl rhym’s, as cha nee nyn eddin; agh ayns earish nyn seaghyn jir ad, Trog seose, as saue shin.

Jeremiah 2:7

As hug mee lhiam shiu stiagh gys cheer messoil, dy ee yn mess as y foays echey: agh tra hie shiu stiagh, ren shiu my heer neu-ghlen, as my eiraght ren shiu dwoaiagh.

Jeremiah 3:2

Trog seose dty hooillyn gys ny ard-ynnydyn, as fow magh yn boayl raad nagh vel oo er n’yannoo maarderys: er ny raaidyn t’ou er hoie er nyn son, myr yn Arabian lhie cooyl-chlea ’syn aasagh; as t’ou er choyrt y cheer fo broïd lesh dty vaarderys, as dty vee-chraueeaght.

Ezekiel 16:17

T’ou er ghoaill myrgeddin dty yewellyn costal, my airh, as my argid, hug mee dhyt, as er n’yannoo dhyt hene jallooyn dy gheiney, as ren oo maarderys roo.

Ezekiel 23:10

Ren ad shoh yn nearey eck y roostey, ghow ad ny mec as ny inneenyn eck, as ren ad ee hene y stroie lesh y chliwe: as haink ee dy ve scammyltagh mastey mraane, son v’ad er chooilleeney briwnys urree.

Ezekiel 23:21

Myr shoh t’ou tayrn gys cooinaghtyn rouanys dty aegid, ayns broo dty cheeaghyn liorish ny Egyptianee, as sheeintyn dty voidynys.

Ezekiel 23:3

As deiyr ad er streebeeys ayns Egypt, hug ad rish maarderys ayns nyn aegid, ayns shen va nyn geeaghyn er ny hionney, as shen y raad va sheeintyn nyn moidynys er nyn mroo.

Hosea 2:2

Cur-jee oghsan da nyn moir, cur-jee oghsan jee: son cha nee my ven’s ee, chamoo mish yn dooinney ecksh: shen-y-fa lhig j’ee cur ersooyl e streebeeys ass y chilley eck, as e maarderys veih eddyr e keeaghyn.

Hosea 4:12

Ta my phobble shirrey coyrle veih nyn yallooyn-fuygh, as ta nyn luirg jannoo faishnys daue: son ta’n spyrryd dy vaarderys er choyrt shaghrynys orroo, as t’ad er n’eiyrt er maarderys, treigeil nyn Yee.

Joel 1:19

O Hiarn, hood’s nee’m geamagh: son ta’n aile er stroie aberyn yn aasagh, as ta’n aile er lostey ooilley biljyn y vagher.

Habakkuk 2:19

Smerg dasyn, ta gra rish y fuygh, Dooisht oo; rish y chlagh yalloo, Trog ort, nee eh m’y ynsaghey! cur-my-ner t’eh coodit harrish lesh airh as argid, agh cha vel yn ennal edyr cheu-sthie jeh.

Noo Mian 5:32

Agh ta mish gra riu, Quoi-erbee scarrys rish e ven, agh son oyr maarderys, dy vel eh cur urree poosey y vrishey: as quoi-erbee phoosys ish ta scart, t’eh ny vaarderagh.