Jeremiah 3:8 - Yn Vible Casherick 1775 1819

⁸ As hug mee tastey, lurg dou ve er choyrt ersooyl ee, son ooilley ny oyryn lioroo va Israel chooyl-skyrraghtyn er vrishey poosey, as dy row mee er choyrt jee screeuyn-scarree; ny-yeih cha ren y chuyr foalsey eck Judah aggle y ghoaill, agh hie ish as ren ee maarderys myrgeddin.

Jeremiah 3:8 ပူးပေါင်းရင်းမြစ်များ

2 Recortyssyn 21:11

Myrgeddin, hrog eh altaryn er sleityn Yudah, as hug eh er cummaltee Yerusalem dy hirveish jallooyn, as ren eh ad y êginaghey huggey.

Isaiah 50:1

Myr shoh ta’n Chiarn dy ghra, Cre vel screeuyn-scarree nyn moir, r’ee ta mee er scarrey? ny rish quoi jeh my yiatteryn ta mee er chreck shiu? Cur-my-ner, she son nyn mee-chraueeaght ta shiu er chreck shiu hene, as son y drogh-yannoo euish ta mee er scarrey rish nyn moir.

Jeremiah 2:19

Nee dty vee-chraueeaght hene uss y smaghtaghey, as nee dty chooyl-skyrraghtyn hene oo y gheyrey: toig er-y-fa shen, as gow tastey vie, dy vel eh ny red olk as sharroo dy vel oo er hreigeil yn Chiarn dty Yee, as nagh vel yn aggle aym’s aynyd, ta Chiarn ny sheshaghtyn flaunyssagh dy ghra.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Jeremiah 33:24

Vel oo goaill tastey cre ta’n pobble shoh er loayrt, gra, Yn daa heeloghe ta’n Chiarn er reih, t’eh eer er n’yiooldey roo? Shoh myr t’ad er hoiaghey beg jeh my phobble, nagh beagh ad ny smoo ny ashoon kiongoyrt roo.

Jeremiah 5:7

Caïd nee’m shoh y leih dhyt? ta dty chloan er my hreigeil, as er loo lioroosyn nagh nee jeeghyn ad: tra va mee er n’yannoo magh ad gys nyn yeeilley, eisht vrish ad poosey, taaghey ayns troopyn ny thieyn streebee.

Ezekiel 16:46

As ta dty huyr shinney Samaria, ish as ny inneenyn eck ta cummal er dty laue chiare: as ta dty huyr saa, ta cummal er dty laue yesh, Sodom as ny inneenyn eck.

Ezekiel 16:47

Ny-yeih, cha vel oo er n’immeeaght lurg ny raaidyn ocsyn, ny er n’yannoo cordail rish nyn mee-chraueeaght, agh myr dy beagh shen red feer fardalagh, t’ou uss er ve ny smessey na adsyn ayns ooilley dty raaidyn.

Ezekiel 16:51

Chamoo ta Samaria er n’yannoo yn derrey lieh jeh dty pheccaghyn; agh t’ou uss er vishaghey dty pheccaghyn eajee ny smoo na t’adsyn, as er heyrey dty hayraghyn ayns ooilley dty aghtyn dwoaiagh, t’ou er chur roo.

Ezekiel 23:44

Ny-yeih, hie ad stiagh myr gys strumpag ghaaney: er yn aght cheddin va oc dy yannoo rish Aholah as Aholibah, ny mraane gyn-nearey shoh.

Ezekiel 23:9

Shen-y-fa ta mee er livrey seose ee gys laue ny deiney-sooree eck, gys laue ny Assyrianee, orroo va’n aigney ec soit.

Hosea 3:4

Son bee cloan Israel ry-foddey gyn ree, as gyn reejerey, as gyn oural, as gyn jalloo, as gyn ephod, as gyn teraphim.

Deuteronomy 24:1

Tra ta dooinney er phoosey ben, as my te myr shen nagh my-haittin lesh ee, er-yn-oyr dy vel eh er gheddyn neu-ghlennid ennagh aynjee: eisht lhig da screeuyn-scarree ’yannoo, as y choyrt jee eh ny laue, as chyndaa ee magh ass e hie.

Deuteronomy 24:3

As mannagh my-haittin lesh y dooinney s’jerree ee, as eh dy choyrt screeuyn-scarree jee ayns e laue, as chyndaa ee ass e hie, ny my yiow’n dooinney s’jerree baase, ghow ee son ben;