Jeremiah 3:7 - Yn Vible Casherick 1775 1819

⁷ As dooyrt mee, lurg j’ee v’er n’yannoo ooilley ny reddyn shoh, Chyndaa uss hym’s: agh cha ren ee chyndaa: as honnick yn chuyr foalsey eck Judah shoh.

Jeremiah 3:7 ပူးပေါင်းရင်းမြစ်များ

2 Recortyssyn 17:4

Agh deiyr eh er y Chiarn Jee e ayraghyn, as jimmee eh ayns e annaghyn, as cha nee lurg obbraghyn Israel:

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jeremiah 33:24

Vel oo goaill tastey cre ta’n pobble shoh er loayrt, gra, Yn daa heeloghe ta’n Chiarn er reih, t’eh eer er n’yiooldey roo? Shoh myr t’ad er hoiaghey beg jeh my phobble, nagh beagh ad ny smoo ny ashoon kiongoyrt roo.

Jeremiah 5:11

Son ta thie Israel as thie Yudah er ghellal dy feer foalsey m’oï’s, ta’n Chiarn dy ghra.

Ezekiel 16:46

As ta dty huyr shinney Samaria, ish as ny inneenyn eck ta cummal er dty laue chiare: as ta dty huyr saa, ta cummal er dty laue yesh, Sodom as ny inneenyn eck.

Ezekiel 16:47

Ny-yeih, cha vel oo er n’immeeaght lurg ny raaidyn ocsyn, ny er n’yannoo cordail rish nyn mee-chraueeaght, agh myr dy beagh shen red feer fardalagh, t’ou uss er ve ny smessey na adsyn ayns ooilley dty raaidyn.

Hosea 11:7

As ta my phobble soit er skyrraghtyn voym; ga dy row eam oc gys yn er smoo syrjey, cha dug fer erbee ard-voylley da.

Hosea 14:1

O Israel, chyndaa gys y Chiarn dty Yee; son t’ou er duittym liorish dty vee-chairys hene.

Amos 4:8

Myr shen ren ghaa ny three dy ard-valjyn rouail gys un ard-valley, dy gheddyn ushtey; agh cha row ad jeant magh: ny-yeih cha vel shiu er hyndaa hym’s, ta’n Chiarn dy ghra.

Malachi 2:11

Ta Judah er ghellal dy foalsey, as ta peccah eajee jeant ayns Israel as ayns Jerusalem, son ta Judah er hayrn scammylt er casherickys y Chiarn, shen bynney lesh, as er phoosey inneen Yee quaagh.