Jeremiah 3:6 - Yn Vible Casherick 1775 1819

⁶ Dooyrt y Chiarn myrgeddin rhym rish lhing Yosiah yn ree, Vel oo er chur tastey da shen ta Israel chooyl-skyrraghtyn er n’yannoo? t’ee er n’gholl seose er dy chooilley lieau ard, as fo dy chooilley villey glass, as ayns shen t’ee er n’yannoo maarderys.

Jeremiah 3:6 ပူးပေါင်းရင်းမြစ်များ

1 Reeaghyn 14:23

Son ren adsyn myrgeddin troggal daue hene ynnydyn ard, as jallooyn, as keylljyn, er dy chooilley chronk ard, as fo dy chooilley villey glass.

2 Recortyssyn 34:1

Va Josiah hoght bleeaney d’eash tra ghow eh toshiaght dy reill, as ren eh reill ayns Jerusalem un vleïn jeig as feed.

Psalmyn 106:39

Shen-y-fa va jymmoose y Chiarn er ny vrasnaghey noi e phobble: ayns wheesh as dy row dwoaie echey er e eiraght hene,

Isaiah 57:3

Tar-jee er-gerrey gys shoh, shiuish vec yn ven-obbee, shiuish ta sluight y vaarderagh as y streebagh.

Isaiah 57:7

Er slieau ard as cronnal t’ou er hoiaghey dty lhiabbee: eer er shen hie oo seose dy hebbal oural.

Jeremiah 1:2

Huggeysyn haink goo yn Chiarn rish lhing Yosiah mac Amon ree Yudah, ayns y trass vleïn jeig jeh e reill.

Jeremiah 11:10

T’ad er hyndaa reesht gys drogh-yannoo nyn shenn-ayryn, ren gobbal dy eaishtagh rish my ghoan’s; as hie ad geiyrt er jeeghyn elley dy hirveish ad: ta thie Israel as thie Yudah er vrishey my chonaant, ren mee rish nyn ayraghyn.

Jeremiah 17:2

Choud as ta nyn gloan freayll ayns cooinaghtyn ny altaryn eu, as ny keylljyn dy viljyn glassey er ny croink ard.

Jeremiah 3:8

As hug mee tastey, lurg dou ve er choyrt ersooyl ee, son ooilley ny oyryn lioroo va Israel chooyl-skyrraghtyn er vrishey poosey, as dy row mee er choyrt jee screeuyn-scarree; ny-yeih cha ren y chuyr foalsey eck Judah aggle y ghoaill, agh hie ish as ren ee maarderys myrgeddin.

Jeremiah 31:22

Caïd hed oo er-shaghryn, O uss inneen vee-viallagh? son ta’n Chiarn er chroo red noa er y thalloo, Nee ben [j’ee hene] dooinney y yientyn.

Jeremiah 5:11

Son ta thie Israel as thie Yudah er ghellal dy feer foalsey m’oï’s, ta’n Chiarn dy ghra.

Jeremiah 7:24

Agh cha ren ad geaishtagh, ny croymmey nyn gleaysh, agh jimmee ad lurg coyrle as smooinaghtyn yn chree roonagh oc hene, as hie ad back, as cha nee er nyn doshiaght.

Ezekiel 16:31

Er-yn-oyr dy vel oo troggal dty hie streebee ec kione dagh raad, as jannoo dty ard-ynnyd ayns dy chooilley straïd, as cha vel oo er ve myr streebagh elley (er-yn-oyr dy vel oo gobbal faill).

Ezekiel 16:35

Shen-y-fa, O ven streebee, clasht rish goo yn Chiarn.

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Ezekiel 23:11

As ga dy vaik e shuyr Aholibah shoh, v’ee eer ny smessey na ish, ayns saynt foalley mee-reiltagh, as ayns maarderys erskyn maarderys e shuyr.

Ezekiel 23:4

As va ny enmyn oc Aholah, yn unnane shinney, as Aholibah e shuyr: as v’ad lhiam’s, as ren ad mec as inneenyn y ymmyrkey: shoh myr va nyn gowrey; ta Samaria Aholah, as Jerusalem Aholibah.

Hosea 11:7

As ta my phobble soit er skyrraghtyn voym; ga dy row eam oc gys yn er smoo syrjey, cha dug fer erbee ard-voylley da.

Hosea 4:13

T’ad ouralley er mullagh ny sleityn, as lostey incense er ny croink fo biljyn-darragh, as poplar, as lhieuan, son dy vel y scadoo oc mie: shen-y-fa ver ny inneenyn eu rish maarderys, as ny mraane eu rish brishey-poosey.

Briwnyn 2:17

As ny-yeih cha dug ad geill da ny briwnyn oc, agh hie ad er-shaghryn geiyrt er jeeghyn elley, dy choyrt ooashley daue: hyndaa ad dy tappee jeh’n raad ayn jimmee nyn ayraghyn, va biallagh gys saraghyn y Chiarn; agh cha ren adsyn myr shen.