Jeremiah 3:4 - Yn Vible Casherick 1775 1819

⁴ Nagh jean oo maghey shoh gaccan hym, gra, M’ayr, she uss leeideilagh my aegid?

Jeremiah 3:4 ပူးပေါင်းရင်းမြစ်များ

Psalmyn 119:9

Cre’n aght nee dooinney aeg e raaidyn y reayll glen: dy jarroo liorish reill eh-hene cordail rish dty ghoo?

Psalmyn 71:17

Ta dty chairys, O Yee, feer ard, as s’mooar ny reddyn shen t’ou er n’yannoo: O Yee, quoi ta dy ve er ny hoylaghey hood’s!

Psalmyn 71:5

Liort’s ta mee er ny chummal seose neayr as ruggyr mee: uss ren m’y ghoaill ass breïn my vayrey; bee my voylley dy bragh jeed’s.

Raaghyn Creeney 1:4

Dy choyrt keeayll da’n ôney, da’n dooinney aeg, toiggal as feeudys.

Raaghyn Creeney 2:17

Ta treigeil leeideilagh yn aegid eck, as jarrood yn conaant ren ee fenish Yee.

Jeremiah 2:2

Immee, cur eam ayns cleayshyn Yerusalem, gra, Myr shoh ta’n Chiarn dy ghra, Ta cooinaghtyn aym’s ort’s, er kenjallys dty aegid, er dty ghraih tra v’ou nasht rhym, tra deiyr oo orrym ’syn aasagh, ayns cheer nagh row rieau fo.

Jeremiah 2:27

Gra rish bun billey, She uss my ayr; as rish clagh, T’ou uss er my ymmyrkey: son t’ad er hyndaa nyn gooyl rhym’s, as cha nee nyn eddin; agh ayns earish nyn seaghyn jir ad, Trog seose, as saue shin.

Jeremiah 3:19

Agh dooyrt mee, Kys nee’m uss y ghoaill mastey’n chloan, as cheer aalin y choyrt dhyt, eiraght ooasle ayns ymmodee ashoonyn? As dooyrt mee, Nee oo mish y enmys, My ayr! as cha jean oo chyndaa ersooyl voym.

Jeremiah 31:22

Caïd hed oo er-shaghryn, O uss inneen vee-viallagh? son ta’n Chiarn er chroo red noa er y thalloo, Nee ben [j’ee hene] dooinney y yientyn.

Jeremiah 31:9

Hie ad magh lesh keayney, agh hig ad reesht lesh boggey: nee’m ad y leeideil liorish ny awinyn ushtey, ayns raad rea, as shooyl shickyr; son ta mish ayr da Israel, as ta Ephraim my vac shinney.

Hosea 2:15

As veih shen ver-ym jee e garaghyn-feeyney, as glione Achor son dorrys dy hreishteil, as nee ee arrane y ghoaill ayns shen, myr ayns laghyn e aegid, as myr ayns y laa haink ee seose ass thalloo Egypt.

Malachi 1:6

Ta mac arrymagh da e ayr, as ta sharvaant ammyssagh da e vainshtyr, my she ayr mee er-y-fa shen, cre vel my arrym? as my she mainshtyr mee, cre vel my ammys? ta Chiarn Jee ny flaunyssee dy ghra riuish haggyrtyn, ta soiaghey beg jeh my ennym’s, foast ta shiu gra, Cre ayn ta shin er hoiaghey beg jeh dty ennym’s?

Malachi 2:14

Foast ta shiuish gra, Cre’n-oyr? er-yn-oyr dy vel y Chiarn er ve feanish eddyr uss as ben dty aegid, noi eck t’ou er ghellal dy foalsey: foast she dty heshey ee, as ben dty vreearrey.