Jeremiah 3:23 - Yn Vible Casherick 1775 1819

²³ Dy firrinagh ayns fardail ta shin jeeaghyn son saualtys veih ny croink, as son kemmyrk veih niart ny sleityn; dy firrinagh ayns y Chiarn nyn Yee ta saualtys Israel.

Jeremiah 3:23 ပူးပေါင်းရင်းမြစ်များ

Psalmyn 3:8

Ta Saualtys bentyn gys y Chiarn: as ta dty vannaght er dty phobble.

Psalmyn 62:7

Ayns Jee ta my lhaynt as my ghloyr: creg my niart, as ayns Jee ta my hreishteil.

Raaghyn Creeney 21:31

Ta’n niagh greihit cour laa yn chaggey: agh ta sauchys veih’n Chiarn.

Isaiah 10:20

As hig eh gy-kione ’sy laa shen, nagh der fooilliagh Israel, ny scapailtee thie Yacob, arragh nyn marrant ersyn ren ad y woalley; agh ver ad nyn marrant er y Chiarn, yn Er-casherick dy Israel, ayns firrinys.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 43:11

Mish, dy jarroo mish, y Chiarn; as cheu-mooie jeem’s cha vel Saualtagh erbee.

Isaiah 44:9

T’adsyn ooilley fardail ta jannoo jalloo grainnit; as cha bee couyr ny cooney ayns ny reddyn eunyssagh oc; as t’adsyn ad-hene nyn veanishyn gys y nearey oc hene, nagh vel ad fakin ny toiggal.

Isaiah 45:15

Dy firrinagh, uss y Jee ta follaghey oo hene, O Yee Israel yn Saualtagh.

Isaiah 45:17

Agh bee Israel er ny hauail ayns y Chiarn lesh saualtys dy bragh farraghtyn: cha bee shiuish er nyn goyrt gys nearey ny er nyn gastey seihll gyn jerrey.

Isaiah 45:20

Chaggle-jee shiu hene as tar-jee; tar-jee er-gerrey cooidjagh, shiuish scapailtee ny ashoonyn: t’ad gyn tushtey ta soiaghey seose fuygh nyn yalloo grainnit, as ta goaill padjer gys jee nagh vod sauail.

Isaiah 63:1

Quoi shoh ta cheet veih Edom, ayns garmadyn gorrym-jiarg veih Bozrah? eh shoh ta gloyroil ayns e choamrey, troailt ayns troshid e niart? Mish eh, ta loayrt ayns ynrickys, niartal dy hauail.

Isaiah 63:16

Shickyr uss yn ayr ain, ga nagh vel toiggal ec Abraham j’in, as nagh vel Israel goaill rooin: uss, O Hiarn, nyn Ayr, nyn Saualtagh, ta dty ennym er-dy-rieau.

Jeremiah 14:8

O hreishteil Israel, yn Saualtagh oc ayns earish seaghyn, kys t’ou myr joarree ’sy cheer, as myr troailtagh ta cheet stiagh dy ghoaill aaght oie?

Jeremiah 17:14

Jean mish y lheihys, O Hiarn, as bee’m er my lheihys; saue mee, as bee’m er my hauail: son she uss my voylley.

Jeremiah 17:2

Choud as ta nyn gloan freayll ayns cooinaghtyn ny altaryn eu, as ny keylljyn dy viljyn glassey er ny croink ard.

Jeremiah 3:6

Dooyrt y Chiarn myrgeddin rhym rish lhing Yosiah yn ree, Vel oo er chur tastey da shen ta Israel chooyl-skyrraghtyn er n’yannoo? t’ee er n’gholl seose er dy chooilley lieau ard, as fo dy chooilley villey glass, as ayns shen t’ee er n’yannoo maarderys.

Jeremiah 31:7

Son myr shoh ta’n Chiarn dy ghra, Gow-jee arrane lesh gennallys son Jacob, as trog-jee seose nyn goraa mastey ny ard-ashoonyn: insh-jee magh eh, cur-jee moylley, as abbyr-jee, O Hiarn, saue dty phobble, ta er-mayrn jeh Israel.

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Hosea 1:7

Agh bee myghin aym er thie Yudah, as saue-ym ad liorish y Chiarn y Jee oc; agh cha nee liorish bow, ny liorish cliwe, ny liorish caggey, liorish cabbil, ny liorish markee, nee’m ad y hauail.

Noo Ean 4:22

Ta shiuish cur ooashley da, cha s’eu cre: ta fys ainyn cre ta shin cur ooashley da; son ta saualtys jeh ny Hewnyn.