Jeremiah 3:22 - Yn Vible Casherick 1775 1819

²² Chyndaa-jee reesht, shiuish chloan chooyl-skyrraghtyn, as neem’s nyn skyrraghtyn y leih diu. Cur-my-ner, ta shin cheet hood’s; son she uss y Chiarn yn Jee ain.

Jeremiah 3:22 ပူးပေါင်းရင်းမြစ်များ

Arrane Solomon 1:4

Jean m’y chleayney, as roie mayd geiyrt ort: ta’n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd’s, bee mayd ny s’aggindee er dty ghraih na er feeyn: shynney lesh sleih mie oo.

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Isaiah 27:8

Ayns towse, tra t’ou dy chur magh eh, nee oo pleadeil rish: t’eh lhiettal e gheay rastagh rish traa yn gheay-niar.

Isaiah 31:6

Chyndaa-jee huggeysyn veih ta cloan Israel er n’gholl dy mooar er-shaghryn.

Isaiah 57:17

Son mee-chairys y taynt echeysyn va my yymmoose, as woaill mee eh: dollee mee mee-hene, as va mee corree, as hie eh dy roonagh er e hoshiaght ayns raad e chree hene.

Jeremiah 3:12

Gow royd, as jean ny goan shoh y ockley magh gys y twoaie, as abbyr, Chyndaa uss reesht, Israel chooyl-skyrraghtyn, ta’n Chiarn dy ghra, as cha lhig-ym da my chorree dy huittym ort; son ta mish myghinagh, ta’n Chiarn dy ghra, as cha jean-ym jymmoose y reayll son dy bragh.

Jeremiah 30:17

Son neem’s uss y choural reesht, as bee dty lhottyn er ny lheihys, ta’n Chiarn dy ghra; son ren ad dty oltooan myr eebyrtagh, gra, Shoh Zion, nagh vel dooinney erbee dy yeearree.

Jeremiah 31:18

Ta mee dy mennick er chlashtyn Ephraim gaccan er yn aght shoh; T’ou er my cherraghey, as va mee smaghtit, myr dow neu-oayllagh er y whing: chyndaa uss mee, as bee’m er my hyndaa; son she uss y Chiarn my Yee.

Jeremiah 33:6

Cur-my-ner, ver-yms lhiam huggey slaynt as couyr, as nee’m ad y lheihys, as soilshee-ym daue mooarane shee as ynrickys.

Jeremiah 4:1

My hyndaa-ys oo reesht, O Israel, ta’n Chiarn dy ghra, chyndaa hym’s; as my ver oo ersooyl dty pheccaghyn eajee ass my hilley, eisht cha bee oo er dty scughey.

Ezekiel 18:30

Shen-y-fa neem’s shiuish y vriwnys, O hie Israel, dagh unnane cordail rish e raaidyn, ta’n Chiarn Jee dy ghra: gow-jee arrys, as chyndaa-jee shiu hene veih ooilley nyn ghrogh-yannoo: myr shen cha bee mee-chairys nyn doyrt-mow.

Ezekiel 33:11

Abbyr roo, Myr ta mee bio, ta’n Chiarn Jee dy ghra, cha vel veg y taitnys aym’s ayns baase ny mee-chrauee, agh dy jinnagh ny mee-chrauee chyndaa veih nyn raad, as ve bio: chyndaa-jee, chyndaa-jee veih nyn ghrogh raaidyn; son cre’n-fa ta shiu tayrn baase erriu hene, O hie Israel?

Hosea 13:4

Foast ta mish y Chiarn dty Yee veih thalloo Egypt, as cha bee enney ayd er Jee erbee agh orrym’s, agh cha vel saualtagh erbee agh mish.

Hosea 14:1

O Israel, chyndaa gys y Chiarn dty Yee; son t’ou er duittym liorish dty vee-chairys hene.

Hosea 14:4

Neem’s lhiasaghey nyn loghtyn, ver-ym graih daue dy arryltagh: son ta my chorree er ny hyndaa ersooyl voish.

Hosea 14:5

Bee’m myr y druight da Israel: nee eh gaase myr y lilee, as skeaylee eh magh e fraueyn myr Lebanon.

Hosea 14:8

Nee Ephraim gra, Cre t’aym dy yannoo arragh rish jallooyn? cheayll mee eh, as ghow mee tastey jeh: ta mee myr billey-juys glass, voym’s ta dty vess ry-gheddyn.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Joel 2:12

Shen-y-fa myrgeddin nish, ta’n Chiarn dy ghra, Chyndaa-jee dy jarroo hym’s, lesh ooilley nyn gree, as lesh trostey, as lesh keayney, as lesh dobberan.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.