Jeremiah 3:20 - Yn Vible Casherick 1775 1819

²⁰ Son shickyrys myr ta ben-phoost dy foalsey treigeil e sheshey, myr shen ta shiuish er ghellal dy foalsey rhym’s, O hie Israel, ta’n Chiarn dy ghra.

Jeremiah 3:20 ပူးပေါင်းရင်းမြစ်များ

Isaiah 24:16

Veih’n ard sodjey magh jeh’n theihll ta shin er chlashtyn arraneyn, eer gloyr gys yn er-cairal. Agh dooyrt mish, My voghtynid, my voghtynid, smerg dou! ta ny dellaryn cluicagh er ghellal dy molteyragh; dy jarroo ta ny dellaryn cluicagh er ghellal feer volteyragh.

Isaiah 48:8

Dy jarroo, cha ren oo clashtyn, chamoo ren oo toiggal; eer veih’n traa shen cha row dty chleaysh foshlit: son va fys aym’s dy jinnagh oo dellal dy feer volteyragh, as dy r’ou enmyssit dty ghrogh-yantagh veih’n vreïn.

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jeremiah 5:11

Son ta thie Israel as thie Yudah er ghellal dy feer foalsey m’oï’s, ta’n Chiarn dy ghra.

Hosea 3:1

Eisht dooyrt y Chiarn rhym, Immee reesht, cur graih da ben (ennoil da e carrey, ga ny maarderagh) casley rish graih yn Chiarn gys cloan Israel, ta sooill oc gys jeeghyn elley, as nyn aigney er flagonyn feeyney.

Hosea 5:7

T’ad er ghellal dy kialgeyragh noi yn Chiarn: son t’ad er gheddyn cloan yoarree: nish ver traa giare naardey chammah ad-hene as nyn gronney.

Hosea 6:7

Agh t’adsyn myr deiney t’er vrishey yn conaant: ayns shen t’ad er ghellal dy molteyragh rhym.

Malachi 2:11

Ta Judah er ghellal dy foalsey, as ta peccah eajee jeant ayns Israel as ayns Jerusalem, son ta Judah er hayrn scammylt er casherickys y Chiarn, shen bynney lesh, as er phoosey inneen Yee quaagh.