Jeremiah 3:2 - Yn Vible Casherick 1775 1819

² Trog seose dty hooillyn gys ny ard-ynnydyn, as fow magh yn boayl raad nagh vel oo er n’yannoo maarderys: er ny raaidyn t’ou er hoie er nyn son, myr yn Arabian lhie cooyl-chlea ’syn aasagh; as t’ou er choyrt y cheer fo broïd lesh dty vaarderys, as dty vee-chraueeaght.

Jeremiah 3:2 ပူးပေါင်းရင်းမြစ်များ

Genesis 38:14

As hug ee j’ee e garmadyn ben-treoghe, as hug ee breid er yn eddin eck, as choodee ee ee-hene, as hoie ee ayns ynnyd foshlit, ta liorish y raad gys Timnath: son honnick ee dy row Shelah er n’aase gys stayd dooinney, as cha row ee er ny choyrt da son ben.

1 Reeaghyn 11:3

As va shiaght cheead ben echey, princessyn, as three cheead oainjyr: as hyndaa e vraane ersooyl e chree.

2 Reeaghyn 23:13

As ny ard-ynnydyn va roïe ayns Jerusalem, va er laue yesh slieau ny oliveyn, va Solomon ree Israel er hroggal son Ashtoreth jalloo ny Zidonianee, as son Chemosh jalloo ny Moabiteyn, as son Milcom jalloo cloan Ammon, ren y ree an-chasherick.

Psalmyn 106:38

Myr shoh v’ad neu-ghlen lesh ny obbraghyn oc hene: as hie ad er maarderys lurg nyn yeearreeyn hene.

Raaghyn Creeney 23:28

T’ee myrgeddin soie cooyl-chlea myr son spooilley, as bishaghey drogh-yantee mastey deiney.

Raaghyn Creeney 7:11

(T’ee beealeragh as mee-reiltagh, cha vel ny cassyn eck fuirriaght ec y thie.

Jeremiah 12:12

Ta ny roosteyryn er jeet er ooilley ny ard-ynnydyn fud yn aasagh: son nee cliwe yn Chiarn stroie veih’n derrey chione jeh’n cheer eer gys y chione elley: cha bee fea ec cretoor erbee.

Jeremiah 2:20

Son ’sy chenn earish ren mish dty whing y vrishey, as scoltey dty gheulaghyn; as dooyrt oo, Cha jean-ym olk y yannoo arragh; ec y traa cheddin er dy chooilley chronk ard, as fo dy chooilley villey glass, v’ou rouail mygeayrt, geiyrt er maarderys.

Jeremiah 2:23

Kys oddys oo gra, Cha vel mee neu-ghlen, cha vel mee er n’eiyrt er Baalim? Jeeagh reesht gys dty raad ’sy choan, cooinee er shen t’ou er n’yannoo: t’ou myr dromedaree bieau joltagh er y raad;

Jeremiah 2:7

As hug mee lhiam shiu stiagh gys cheer messoil, dy ee yn mess as y foays echey: agh tra hie shiu stiagh, ren shiu my heer neu-ghlen, as my eiraght ren shiu dwoaiagh.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Jeremiah 3:13

Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Jeremiah 3:21

Va coraa er ny chlashtyn er ny ard-ynnydyn, dobberan as keayney cloan Israel: son t’ad er hyndaa voym’s, as er yarrood yn Chiarn nyn Yee.

Jeremiah 3:9

As shen myr ve, trooid an-ghoo e maarderys, dy ren ee yn cheer neu-ghlen, as poosey y vrishey rish jallooyn cloaie as fuygh.

Jeremiah 7:29

Giare jeed dty olt, O Yerusalem, as tilg voïd eh, as trog seose dobberan er ny ard-ynnydyn; son ta’n Chiarn er n’yiooldey voish as er hreigeil sheeloghe e yymmoose.

Ezekiel 16:16

As t’ou er ghoaill jeh dty choamraghyn, as er hoiaghey magh dty ard-ynnydyn lesh caghlaaghyn daah, as er n’yannoo maarderys orroo: y lheid nagh lhisagh ve jeant, chamoo lhisagh y ve.

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Hosea 2:5

Son ta’n moir oc er choyrt rish streebeeys: t’eeish ren ad y yientyn er n’yannoo dy naareydagh: son dooyrt ee, Hem marish my gheiney-sooree, ta coyrt dou m’arran, as m’ushtey, my ollan, as my lieen, my ooil, as feeyn.

Noo Luke 16:23

As ayns niurin, raad v’eh er ny horchaghey, hrog eh seose e hooillyn, as honnick eh Abraham foddey veih, as Lazarus ayns e oghrish.

Deuteronomy 12:2

Ver shiu dy bollagh naardey dy chooilley ynnyd, raad ren ny ashoonyn, vees eu son eiraght, shirveish ny jeeghyn ocsyn, er ny sleityn ard, as er ny croink, as fo dy chooilley villey glass.