Jeremiah 3:18 - Yn Vible Casherick 1775 1819

¹⁸ Ayns ny laghyn shen nee thie Yudah gimmeeaght marish thie Israel, as hig ad cooidjagh ass cheer y twoaie gys y cheer ta mee er choyrt son eiraght da nyn ayraghyn.

Jeremiah 3:18 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Isaiah 43:5

Ny bee aggle ort, son ta mee mayrt: ver-yms lhiam dty luight veih’n niar, as chaglym oo veih’n neear;

Isaiah 43:6

Jir-ym rish y twoaie, Cur seose; as rish y jiass, Ny jean lhiettal: cur-jee lhieu my vec veih foddey, as my inneenyn veih ardjyn ny cruinney;

Jeremiah 16:15

Agh, ta’n Chiarn bio hug lesh seose cloan Israel veih’n cheer my-hwoaie, as veih dy chooilley heer raad va mee er n’imman ad: as ver-ym lhiam ad reesht gys y cheer oc hene hug mee da nyn ayraghyn.

Jeremiah 23:8

Agh, Ta’n Chiarn bio, hug lesh seose, as ren leeideil, rass thie Israel veih’n cheer twoaie, as veih dy chooilley heer raad ren mee ad y imman; as nee ad cummal ayns y cheer oc hene.

Jeremiah 3:12

Gow royd, as jean ny goan shoh y ockley magh gys y twoaie, as abbyr, Chyndaa uss reesht, Israel chooyl-skyrraghtyn, ta’n Chiarn dy ghra, as cha lhig-ym da my chorree dy huittym ort; son ta mish myghinagh, ta’n Chiarn dy ghra, as cha jean-ym jymmoose y reayll son dy bragh.

Jeremiah 30:3

Son cur-my-ner, ta ny laghyn cheet, ta’n Chiarn dy ghra, dy jyndaa-yms reesht cappeeys my phobble Israel as Judah, ta’n Chiarn dy ghra; as ver-yms orroo dy hyndaa gys y cheer hug mee da nyn ayraghyn, as yiow ad eh ayns nyn gummal.

Jeremiah 31:8

Cur-my-ner, ver-ym lhiam ad veih’n cheer twoaie, as nee’m ad y haglym veih ardjyn sodjey magh y thallooin, as mâroosyn y doal as y baccagh, y ven torragh, as ish ta er-gerrey da’n traa dy cheilley: nee sheshaght vooar chyndaa reesht gys shen.

Jeremiah 50:20

Ayns ny laghyn shen, as ec y traa cheddin, ta’n Chiarn dy ghra, nee ad briaght son loght Israel, agh cha bee veg ayn; as son peccaghyn Yudah, agh cha bee ad ry-gheddyn: son beem’s myghinagh dauesyn ta mee dy livrey.

Jeremiah 50:4

Ayns ny laghyn shen, as ec y traa cheddin, ta’n Chiarn dy ghra, hig cloan Israel, adsyn as cloan Yudah dy cheilley, keayney myr t’ad goll, as shirrey gys y Chiarn nyn Yee.

Jeremiah 50:5

Nee ad briaght yn raad gys Zion, as nyn eddin lesh shen, gra, Tar-jee, as lhig dooin lhiantyn gys y Chiarn ayns conaant shickyr nagh bee jarroodit.

Jeremiah 7:7

Eisht ver-yms diu cummal ’sy voayl shoh, ’sy cheer hug mee da nyn ayraghyn, son dy bragh as foddey beayn.

Ezekiel 11:17

Shen-y-fa, abbyr uss, Myr shoh ta’n Chiarn Jee dy ghra, Ver-yms lhiam shiu dy jarroo veih mastey yn pobble, as neem’s shiu y haglym ass ny cheeraghyn, raad va shiu er nyn skeayley, as ver-yms diu thalloo Israel.

Hosea 1:11

Eisht bee cloan Yudah, as cloan Israel er nyn jaglym dy cheilley, as nee ad reih magh leeideilagh daue hene, as hig ad seose ass y cheer: son s’mooar vees laa Yezreel!

Hosea 11:12

Ta Ephraim dy my chruinnaghey mygeayrt lesh breagyn, as thie Israel lesh molteyrys: agh ta Judah foast reill marish Jee, as t’eh ynrick marish ny nooghyn.

Hosea 2:2

Cur-jee oghsan da nyn moir, cur-jee oghsan jee: son cha nee my ven’s ee, chamoo mish yn dooinney ecksh: shen-y-fa lhig j’ee cur ersooyl e streebeeys ass y chilley eck, as e maarderys veih eddyr e keeaghyn.

Amos 9:15

As nee’m soiaghey ad er y thalloo oc hene, as cha bee ad arragh er ny astyrt ass y cheer, ta mee er choyrt daue, ta’n Chiarn dty Yee dy ghra.

Zechariah 10:6

As neem’s thie Yudah y niartaghey, as saue-yms thie Yoseph, as ver-ym lhiam reesht ad gys nyn ynnyd hene; son ta myghin aym orroo: as bee ad myr nagh beign er n’yiooldey voym ad: son ta mish yn Chiarn y Jee oc, as eaisht-ym roo.

Zechariah 2:6

Ho, ho, tar-jee magh, as chea-jee veih cheer y twoaie, ta’n Chiarn dy ghra: son ta mee er skeayley shiu co-lhean rish kiare geayghyn yn aer, ta’n Chiarn dy ghra.