Jeremiah 3:16 - Yn Vible Casherick 1775 1819

¹⁶ As hig eh gy-kione, tra vees shiu er nyn mishaghey ayns cloan as cooid ’sy cheer, ayns ny laghyn shen, ta’n Chiarn dy ghra, cha jir ad arragh, Arg conaant y Chiarn; chamoo hig eh gys cooinaghtyn, chamoo smooinee ad er, chamoo nee ad taaghey eh, chamoo hed soiaghey sodjey er jannoo jeh.

Jeremiah 3:16 ပူးပေါင်းရင်းမြစ်များ

Isaiah 60:22

Hig yn fer fardalagh dy ve thousane, as yn fer faase dy ve ny ashoon niartal: neem’s yn Chiarn, shoh y chooilleeney dy leah ’syn imbagh cooie.

Isaiah 61:4

As troggee ad ny shenn tholtanyn, kerree ad traartys ny shenn earishyn, as coamree ad reesht ny ard-valjyn treigit, traartys ymmodee sheelogheyn.

Isaiah 65:17

Son cur-my-ner, ta mee croo niaughyn noa, as thalloo noa: cha bee cooinaghtyn er yn seihll va roïe, as cha jig eh ayns my aigney.

Jeremiah 3:17

Ec y traa shen nee ad genmys Jerusalem stoyl-reeoil y Chiarn; as bee dy chooilley ashoon er ny haglym stiagh ayn, gys ennym y Chiarn, ayns Jerusalem: chamoo nee ad geiyrt ny-sodjey lurg smooinaghtyn yn chree roonagh oc hene.

Jeremiah 30:19

As assdoo hig magh toyrt-booise, as yn coraa ocsyn t’ayns ard-ghennallys: as nee’m ad y vishaghey, as cha nee beggan vees ad; ver-yms orroo dy ve ashoon ooasle, as cha bee ad er ny leodaghey.

Jeremiah 31:27

Cur-my-ner, ta ny laghyn cheet, ta’n Chiarn dy ghra, dy jean-yms thie Israel, as thie Yudah y chuirr lesh sluight dooinney, as sluight baagh.

Jeremiah 31:8

Cur-my-ner, ver-ym lhiam ad veih’n cheer twoaie, as nee’m ad y haglym veih ardjyn sodjey magh y thallooin, as mâroosyn y doal as y baccagh, y ven torragh, as ish ta er-gerrey da’n traa dy cheilley: nee sheshaght vooar chyndaa reesht gys shen.

Jeremiah 7:4

Ny cur-jee nyn marrant er goan fardalagh, gra, Chiamble y Chiarn, Chiamble y Chiarn, Chiamble y Chiarn, ad shoh.

Ezekiel 15:5

Cur-my-ner, tra ve slane, cha row eh cooie son obbyr erbee, cre-woad sloo eisht vees ymmyd ayn son obbyr erbee, tra ta’n aile er stroie eh, as te er ny lostey?

Ezekiel 37:26

Marish shoh, nee’m roosyn conaant dy hee; bee eh conaant dy bragh farraghtyn roosyn: as ver-yms cummal shickyr daue, as ad y vishaghey, as soie-yms seose my ynnyd casherick ny mast’ oc er son dy bragh.

Amos 9:9

Son cur-my-ner, ver-ym sarey, as nee’m creearey thie Israel mastey dy chooilley ashoon, myr ta arroo er ny reealley ayns creear, ny-yeih, cha bee yn grine sloo caillit er y thalloo.

Zephaniah 3:11

Ayns y laa shen cha bee nearey ort son ooilley dty obbraghyn, ayndoo t’ou er ve mee-viallagh m’oï: son eisht goyms ersooyl veih ny mast’ eu adsyn ta boggyssagh ayns dty voym, as cha bee oo arragh mooaralagh jeh my chronk casherick.

Noo Mian 1:11

As hooar Josias Jechonias as e vraaraghyn, mysh traa yn chappeeys Babylonagh.

Noo Mian 3:9

As ny smooinee-jee dy ghra, riu hene, Ta Abraham ain son nyn ayr: son ta mee gra riu, dy vel Jee pooaral eer jeh ny claghyn shoh dy hroggal seose cloan da Abraham.