Jeremiah 3:13 - Yn Vible Casherick 1775 1819

¹³ Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Jeremiah 3:13 ပူးပေါင်းရင်းမြစ်များ

Nehemiah 9:2

As ren sluight Israel scarrey ad-hene veih’n chloan joarree, as hass ad seose, as ghow ad rish ny peccaghyn oc hene, as peccaghyn nyn ayraghyn.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Isaiah 57:5

Greinnaghey shiu hene seose gys jallooyn fo dy chooilley villey glass, marroo nyn gloan ayns ny coanyn fo scoltaghyn ny creggyn?

Jeremiah 14:10

Myr shoh ta’n Chiarn dy ghra rish y pobble shoh, Shoh myr bynney lhieu dy rouail mygeayrt, cha gow ny cassyn oc fea; shen-y-fa cha vel y Chiarn goaill roo: nee eh nish cooinaghtyn er y vee-chairys oc, as smaghtaghey nyn beccaghyn.

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Jeremiah 2:20

Son ’sy chenn earish ren mish dty whing y vrishey, as scoltey dty gheulaghyn; as dooyrt oo, Cha jean-ym olk y yannoo arragh; ec y traa cheddin er dy chooilley chronk ard, as fo dy chooilley villey glass, v’ou rouail mygeayrt, geiyrt er maarderys.

Jeremiah 2:25

Ny lhig da dty chass ve rooisht, ny dty scoarnagh ve paagh: agh dooyrt oo, Cha vel veg y hreishteil er-mayrn: cha vel; son joarreeyn bynney lhiam, as geiyrt orroosyn nee’m goll.

Jeremiah 3:2

Trog seose dty hooillyn gys ny ard-ynnydyn, as fow magh yn boayl raad nagh vel oo er n’yannoo maarderys: er ny raaidyn t’ou er hoie er nyn son, myr yn Arabian lhie cooyl-chlea ’syn aasagh; as t’ou er choyrt y cheer fo broïd lesh dty vaarderys, as dty vee-chraueeaght.

Jeremiah 3:25

Ta shin lhie sheese ayns nyn nearey, as ta nyn sou-aigney dy laadey shin: son ta shin er n’yannoo peccah noi’n Chiarn nyn Yee, shin hene as nyn ayraghyn, veih nyn aegid eer gys y laa jiu, as cha vel shin er choyrt biallys da coraa yn Chiarn y Jee ain.

Jeremiah 3:6

Dooyrt y Chiarn myrgeddin rhym rish lhing Yosiah yn ree, Vel oo er chur tastey da shen ta Israel chooyl-skyrraghtyn er n’yannoo? t’ee er n’gholl seose er dy chooilley lieau ard, as fo dy chooilley villey glass, as ayns shen t’ee er n’yannoo maarderys.

Jeremiah 7:24

Agh cha ren ad geaishtagh, ny croymmey nyn gleaysh, agh jimmee ad lurg coyrle as smooinaghtyn yn chree roonagh oc hene, as hie ad back, as cha nee er nyn doshiaght.

Jeremiah 7:26

Ny-yeih cha n’eaishtagh ad rhym, ny croymmey nyn gleaysh, agh ren ad nyn mwannal y chreoghey: ren ad ny smessey na nyn ayraghyn.

Ezekiel 16:15

Agh hreisht oo ayns dty aalid hene, as chloie oo yn streebagh er barrant dty ghoo, as gheayrt oo magh dty streebeeys gys dy chooilley unnane va goll shaghey; leshyn ve.

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Deuteronomy 12:2

Ver shiu dy bollagh naardey dy chooilley ynnyd, raad ren ny ashoonyn, vees eu son eiraght, shirveish ny jeeghyn ocsyn, er ny sleityn ard, as er ny croink, as fo dy chooilley villey glass.