Jeremiah 3:10 - Yn Vible Casherick 1775 1819

¹⁰ As ny-yeih son ooilley shoh, cha vel y chuyr foalsey eck Judah er hyndaa hym’s lesh e slane cree, agh ayns molteyrys, ta’n Chiarn dy ghra.

Jeremiah 3:10 ပူးပေါင်းရင်းမြစ်များ

2 Recortyssyn 34:33

As ghow Josiah ersooyl ooilley ny jallooyn ass ooilley ny cheeraghyn va lesh cloan Israel, as hug eh er ooilley ny va kionfenish ayns Israel dy hirveish, eer dy hirveish yn Chiarn nyn Yee. As rish y slane lhing echeysyn, cha hreig ad y Chiarn, Jee nyn ayraghyn.

Psalmyn 18:44

Pobble nagh nhione dooys: nee m’y hirveish.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Isaiah 10:6

Neem’s eh y choyrt noi ashoon kialgeyragh, as noi pobble my yymmoose ver-ym sarey da dy ghoaill yn spooilley, as dy ghoaill y chragh, as dy stampey ad sheese goll-rish laagh ny straïdyn.

Isaiah 29:13

Shen-y-fa dooyrt y Chiarn, Son wheesh as dy vel yn pobble shoh tayrn er-gerrey dooys lesh nyn meeal, as dy my ooashlaghey lesh nyn meillyn, agh ta’n cree oc er ny scughey foddey voym, as ta nyn aggle roym er ny ynsaghey liorish oardagh deiney:

Isaiah 31:6

Chyndaa-jee huggeysyn veih ta cloan Israel er n’gholl dy mooar er-shaghryn.

Jeremiah 11:10

T’ad er hyndaa reesht gys drogh-yannoo nyn shenn-ayryn, ren gobbal dy eaishtagh rish my ghoan’s; as hie ad geiyrt er jeeghyn elley dy hirveish ad: ta thie Israel as thie Yudah er vrishey my chonaant, ren mee rish nyn ayraghyn.

Jeremiah 12:2

T’ou er hoiaghey ad, as t’ad eer er ghoaill fraue; t’ad gaase; dy jarroo, t’ad gymmyrkey mess: t’ou uss er-gerrey ’sy veeal oc, agh foddey veih nyn gree.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Hosea 7:14

As cha vel ad er ghoaill padjer hym veih nyn gree, tra v’ad gaccan er nyn lhiabbaghyn: t’ad chaglym cooidjagh son arroo as feeyn, as girree-magh m’oï.

Amos 4:9

Ta mee er woalley shiu lesh fowan as millchea; tra ren nyn gharaghyn, as nyn gharaghyn-feeyney, as nyn miljyn-figgagh, as nyn miljyn-olive bishaghey, ren yn veishteig-loauee ad y stroie: ny-yeih, cha vel shiu er hyndaa hym’s, ta’n Chiarn dy ghra.

Malachi 2:11

Ta Judah er ghellal dy foalsey, as ta peccah eajee jeant ayns Israel as ayns Jerusalem, son ta Judah er hayrn scammylt er casherickys y Chiarn, shen bynney lesh, as er phoosey inneen Yee quaagh.