Jeremiah 27:5 - Yn Vible Casherick 1775 1819

⁵ Mish ta er chroo yn thalloo, yn dooinney as y baagh ta er yn ooir, liorish my phooar ooilley-niartal, as my roih sheeynt magh, as ta mee er choyrt eh da quoi-erbee saillym.

Jeremiah 27:5 ပူးပေါင်းရင်းမြစ်များ

Genesis 1:25

As chroo Jee beishtyn y thallooin lurg nyn ghooghys, yn maase lurg nyn ghooghys, as dy chooilley nhee ta snaue er yn ooir lurg e ghooghys: as honnick Jee dy row eh mie.

Genesis 9:6

Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

1 Reeaghyn 8:42

(Son nee ad clashtyn jeh dty ennym mooar, as jeh dty laue lajer, as jeh dty roih sheeynt magh;) tra hig eh as padjer y ghoaill lesh y thie shoh:

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Nehemiah 9:22

Marish shoh, hug oo daue reeriaghtyn as ashoonyn, as ren oo rheynn ad orroo ayns ayrnyn: myr shen hooar ad eiraght ayns cheer Sidon, as cheer ree Heshbon, as cheer Og ree Vashan.

Psalmyn 102:25

T’ou uss, Hiarn, ayns y toshiaght er hoiaghey undin y thallooin: as ta ny niaughyn obbyr dty laueyn;

Psalmyn 96:5

Son cha vel ooilley jeeghyn ny ashoonyn agh jallooyn: agh she’n Chiarn chroo ny niaughyn.

Exodus 20:11

Son ayns shey laa chroo yn Chiarn niau as thalloo, yn faarkey, as ooilley ny t’ayndoo, as scuirr eh er y chiaghtoo laa: shen-y-fa vannee yn Chiarn y chiaghtoo laa, as ren eh eh y chasherickey.

Exodus 6:6

Shen-y-fa, abbyr rish cloan Israel, Mish y Chiarn, as ver-ym lhiam shiu magh veih fo errey ny Egyptianee, as livrey-ym shiu veih’n bondiaght oc: as lesh roih sheeynt magh, as lesh briwnyssyn trome, ver-ym feaysley diu.

Isaiah 42:5

Shoh myr ta’n Chiarn Jee dy ghra, eh chroo ny niaughyn, as ren skeayley magh ad; eh hug er y thalloo dy heet rish, as ooilley ny ta cheet ass; eshyn hug ennal ’sy phobble ta er, as bioys ayndoosyn ta cummal ayn;

Isaiah 44:24

Myr shoh ta’n Chiarn, dty Haualtagh, dy ghra, as eshyn ren dty chummey ’sy vreïn, Mish y Chiarn ta jannoo dy chooilley nhee; mish my-lomarcan ta skeayley magh ny niaughyn; mish mee hene ta sheeyney magh yn thalloo;

Isaiah 45:12

Ta mee er n’yannoo yn thalloo, as er chroo dooinney er: she mish, eer my laueyn hene, t’er heeyney magh ny niaughyn, as ooilley yn cheshaght-chaggee oc ta mee er oardrail.

Isaiah 48:13

Ta my laue myrgeddin er hoiaghey undin y thallooin, as ta my laue yesh er skeayley magh ny niaughyn: tra ta mee geamagh orroo, t’ad shassoo seose dy cheilley.

Isaiah 51:13

As dy vel oo jarrood yn Chiarn dty Er-croo, eh t’er heeyney magh ny niaughyn, as er hoiaghey undinyn y thallooin; as t’ou er ny ve ayns aggle kinjagh gagh laa, kyndagh rish dewilys y tranlaasagh, myr dy beagh eh aarloo dy stroie? as cre’n erree t’er dewilys y tranlaasagh?

Jeremiah 27:4

As cur sarey daue dy ghra rish nyn mainshtyryn, Myr shoh ta Chiarn ny sheshaghtyn flaunyssagh, Jee Israel, dy ghra, Shoh myr nee shiu gra rish ny mainshtyryn eu;

Jeremiah 32:17

O Hiarn Yee, cur-my-ner, t’ou uss er chroo niau as thalloo liorish dty phooar niartal as dty roih sheeynt magh, as dhyt’s cha vel nhee erbee ro ghoillee:

Jeremiah 51:15

T’eh er chroo yn thalloo lesh e phooar, t’eh er chiaddey yn seihll liorish e chreenaght, as er heeyney magh yn aer liorish e hushtey.

Daniel 2:38

As raad erbee dy vel cloan gheiney cummal, t’eh er choyrt fo dty laue, maase y vagheragh, as eeanlee yn aer, as er chur dhyt’s yn reill harrystoo ooilley: uss yn kione airhey shoh.

Daniel 4:14

Dyllee eh dy ard, as shoh myr dooyrt eh, Lhieg y billey, as giare jeh e vanganyn, crie sheese e ghuillagyn, as skah e vess; lhig da’n maase cosney ersooyl veih fo yn scadoo echey, as ny eeanlee veih e vanglaneyn.

Daniel 4:17

Ta’n chooish shoh liorish oardaghey ny arreyderyn, as y yeearree liorish goo ny flaunyssee, dy vod ny bioee toiggal, dy vel y Jee smoo syrjey reill ayns reeriaght deiney, as dy choyrt eh dauesyn saillish hene, as soiaghey harrish ny moodjeenyn s’inshley dy gheiney.

Daniel 4:22

She uss eh, O ree, ta er n’aase, as er jeet dy ve niartal; son ta dty ooashley er vishaghey, as er roshtyn gys niau, as dty reiltys gys ardjyn sodjey magh y thallooin.

Daniel 4:25

Dy bee oo er dty imman veih deiney, as bee dty ynnyd-vaghee marish maase y vagheragh, as nee oo gee faiyr myr ny dew, as bee oo fluigh lesh druight yn aer, as hed shiaght traaghyn harryd, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 17:24

Jee ren y seihll, as dy chooilley nhee t’ayn y chroo, fakin dy nee eshyn Chiarn niau as thalloo, cha vel eh cummal ayns chiambyllyn troggit lesh laueyn:

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Deuteronomy 2:19

As tra hayrnys oo er-gerrey da cloan Ammon, ny jean caggey roo, ny cur eïe orroo: son cha der-yms dhyt’s veg yn eiraght ayns thalloo cloan Ammon, er-yn-oyr dy vel mee er choyrt eh son eiraght da cloan Lot.

Deuteronomy 2:21

Pobble mooar as ymmodee, thollee myr ny Anakimee, agh ren y Chiarn ad y stroie rhymboo, as haink ad nyn yeï, as chum ad ’syn ynnyd oc:

Deuteronomy 2:7

Son ta’n Chiarn dty Yee er dty vannaghey, ayns ooilley obbraghyn dty laue: shione da dty immeeaght trooid yn aasagh mooar shoh: rish da-eed bleïn nish, ta’n Chiarn dty Yee er ve mayrt, cha r’ou feme nhee erbee.

Deuteronomy 2:9

As dooyrt y Chiarn rhym’s, Faag-jee veue ny Moabiteyn, chamoo gow-jee dy chaggey roo: son cha der-yms diuish cummal ’sy cheer oc, er-yn-oyr dy vel mee er choyrt Ar da cloan Lot son eiraght.

Deuteronomy 32:8

Tra ren yn er smoo syrjey rheynn er ny ashoonyn nyn eiraght, tra skeayl eh mec Adam, hoie eh cagleeyn y pobble, cordail rish earroo cloan Israel.

Deuteronomy 4:17

Co-chaslys baagh erbee t’er y thalloo, co-chaslys eean erbee skianagh ta getlagh ’syn aer,

Deuteronomy 4:25

Tra nee oo geddyn cloan, as cloan dty chlienney, as tra vees oo er chummal foddey ’sy cheer, as er n’gholl dowin ayns peccah, as er n’yannoo jalloo grainnit, ny co-chaslys nhee erbee, as dy jean shiu dy olk ayns shilley’n Chiarn dty Yee, dy vrasnaghey eh gys corree:

Deuteronomy 4:32

Son jean briaght nish mychione ny laghyn t’er n’gholl shaghey, va roish dty hraa, er-dyn laa chroo Jee dooinney er y thalloo, as veih’n derrey chione jeh’n seihll, gys y chione elley, row rieau lheid y red mooar yindyssagh shoh, ny row clashtyn jeh e lheid?

Deuteronomy 4:35

Dhyt’s ve er ny hoilshaghey, dy voddagh tushtey ’ve ayd, dy nee’n Chiarn ta Jee; cheu-mooie jeh hene cha vel Jee erbee.

Deuteronomy 5:16

Cur arrym da dt’ayr, as da dty voir, myr ren y Chiarn dty harey; dy vod dty laghyn ve foddey beayn, as dy vod oo ve maynrey ayns y cheer ta’n Chiarn dty Yee dy chur dhyt.

Deuteronomy 9:29

Ny-yeih dty phobble ad, as dty eiraght hene, hug oo lhiat magh liorish dty phooar niartal, as lesh dty roih sheeynt magh.

Colossianee 1:16

Son liorishyn va dy chooilley nhee er nyn groo t’ayns niau, as er y thalloo, ayns fakin as gyn fakin, edyr ad y ve stuill-reeoil, ny chiarnyssyn, ny rheamyn, ny pooaraghyn: va dy chooilley nhee er nyn groo liorishyn, as er e hon:

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phointeil ny eirey er dy chooilley nhee, liorish myrgeddin chroo eh ny seihllyn.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.