Jeremiah 27:12 - Yn Vible Casherick 1775 1819

¹² Loayr mee neesht rish Zedekiah ree Yudah cordail rish ooilley ny goan shoh, gra, Cur-jee nyn mwannal fo quing ree Vabylon, as shirveish-jee eh as e phobble, as bee-jee bio beayn.

Jeremiah 27:12 ပူးပေါင်းရင်းမြစ်များ

Raaghyn Creeney 1:33

Agh quoi-erbee eaishtys rhym’s, nee eh cummal dy sauchey, as bee eh ec fea veih aggle yn olk.

Jeremiah 17:4

As bee uss, dy jarroo oo hene, freilt magh ass dty eiraght hug mee dhyt; as ver-ym ort dy hirveish dty noidyn ayns cheer nagh nhione dhyt: son ta shiu er voaddey aile ayns my yymmoose, nee lostey son dy bragh.

Jeremiah 21:9

Eshyn ta fuirriaghtyn ’syn ard-valley shoh, yiow eh baase lesh y chliwe, as lesh y ghortey, as lesh y chramp: agh eshyn hed magh, as livrey-ys seose eh-hene gys ny Caldeanee ta chionney stiagh shiu, bee eh bio, as bee e vioys son cosney da.

Jeremiah 27:8

As hig eh gy-kione, yn ashoon as yn reeriaght nagh jean shirveish Nebuchadnezzar cheddin ree Vabylon, as nagh der nyn mwannal fo quing ree Vabylon, yn ashoon shen neem’s smaghtaghey, ta’n Chiarn dy ghra, lesh y chliwe, as lesh y ghortey, as lesh y chramp, derrey veem’s er stroie ad liorish y laue echeysyn.

Jeremiah 28:1

As haink eh gy-kione ’sy vleïn cheddin, ayns toshiaght reill Zedekiah ree Yudah, ’sy chiarroo vleïn, as ayns y wheiggoo vee, dy ren Hananiah mac Azur yn phadeyr, va jeh Gibeon, loayrt rhym ayns thie yn Chiarn, fenish ny saggyrtyn as ooilley’n pobble, gra,

Jeremiah 28:2

Myr shoh ta Chiarn ny flaunyssee, Jee Israel, loayrt as gra, Ta mee er vrishey quing ree Vabylon.

Jeremiah 38:17

Eisht dooyrt Jeremiah rish Zedekiah, Myr shoh ta’n Chiarn, Jee ny flaunyssee, Jee Israel, gra, My hed oo dy jarroo magh gys princeyn ree Vabylon, eisht bee dty annym bio, as cha bee yn ard-valley shoh er ny lostey lesh aile; as bee oo hene, as dty hie, ayns sauchys:

Jeremiah 42:11

Ny bee aggle erriu roish ree Vabylon; ny gow-jee aggle roish, ta’n Chiarn dy ghra: son ta mee mêriu dy hauail shiu, as dy livrey shiu veih e laue.