Jeremiah 27:1 - Yn Vible Casherick 1775 1819

¹ Ayns toshiaght reill Zedekiah mac Yosiah, ree Yudah, haink yn goo shoh gys Jeremiah veih’n Chiarn, gra,

Jeremiah 27:1 ပူးပေါင်းရင်းမြစ်များ

2 Reeaghyn 24:18

Va Zedekiah bleïn as feed dy eash tra ghow eh toshiaght dy reill; as ren eh reill un vleïn jeig ayns Jerusalem. As ennym e voir va Hamutal, inneen Jeremiah jeh Libnah.

2 Recortyssyn 36:11

Va Zedekiah un vleïn as feed d’eash tra ghow eh toshiaght dy reill, as ren eh reill un vleïn jeig ayns Jerusalem.

Jeremiah 26:1

Ayns toshiaght reill Yehoiakim, mac Yosiah ree Yudah, haink y goo shoh veih’n Chiarn, gra,

Jeremiah 27:12

Loayr mee neesht rish Zedekiah ree Yudah cordail rish ooilley ny goan shoh, gra, Cur-jee nyn mwannal fo quing ree Vabylon, as shirveish-jee eh as e phobble, as bee-jee bio beayn.

Jeremiah 27:3

As jean ad y choyrt gys ree Edom, as gys ree Voab, as ree ny Ammoniteyn, as ree Tyrus, as gys ree Zidon, liorish laue ny chaghteryn ta cheet gys Jerusalem gys Zedekiah ree Yudah;

Jeremiah 28:1

As haink eh gy-kione ’sy vleïn cheddin, ayns toshiaght reill Zedekiah ree Yudah, ’sy chiarroo vleïn, as ayns y wheiggoo vee, dy ren Hananiah mac Azur yn phadeyr, va jeh Gibeon, loayrt rhym ayns thie yn Chiarn, fenish ny saggyrtyn as ooilley’n pobble, gra,

Jeremiah 32:1

Yn goo haink gys Jeremiah veih’n Chiarn, ayns y jeihoo vleïn jeh reill Zedekiah ree Yudah, va yn hoghtoo vleïn jeh Nebuchadrezzar.