Jeremiah 26:9 - Yn Vible Casherick 1775 1819

⁹ Cre’n-fa t’ou er n’yannoo phadeyrys ayns ennym y Chiarn, gra, Bee’n thie shoh myr Shiloh, as bee’n ard-valley shoh follym-faase fegooish cummaltagh? As va ooilley’n pobble er nyn jaglym noi Jeremiah ayns thie yn Chiarn.

Jeremiah 26:9 ပူးပေါင်းရင်းမြစ်များ

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Isaiah 29:21

Ta jannoo dooinney ny ghrogh-yantagh son fockle, as soiaghey ribbey er e hon-syn ta cur oghsan ’sy yiat, as cassey cooish yn er-cairal son red fardalagh.

Jeremiah 32:3

Son va Zedekiah ree Yudah er yeigh seose eh, gra, Cre’n-fa t’ou uss phadeyrys, as gra, Myr shoh ta’n Chiarn dy ghra, Cur-my-ner, ver-yms yn ard-valley shoh gys laue ree Vabylon, as nee eh goaill eh;

Jeremiah 33:10

Myr shoh ta’n Chiarn dy ghra, ’Syn ynnyd shoh, (ta shiu gra vees treigit fegooish dooinney ny baagh, eer ayns ard-valjyn Yudah, as ayns straïdyn Yerusalem, ta follym-faase fegooish dooinney, as fegooish cummaltagh, as fegooish baagh,)

Jeremiah 36:29

As nee oo gra rish Jehoiakim ree Yudah, Shoh goan y Chiarn, T’ou uss er lostey yn lioar shoh, gra, Cre shoh t’ou er scrieu ayn, gra, Hig ree Vabylon son shickyrys as yn cheer shoh y stroie, as cha vaag eh ayn dooinney ny baagh?

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Dobberan 4:13

Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Amos 5:10

T’ad cur feoh dasyn, ta cur oghsan ’sy yiat, as dwoaie oc ersyn, ta loayrt dy ynrick.

Micah 2:6

Ny jean-jee phadeyrys, jir ad roosyn ta phadeyrys: cha jean ad phadeyrys daue, nagh gow ad nearey.

Noo Mian 21:23

As tra v’eh er jeet stiagh ayns y chiamble, haink ny ard-saggyrtyn as shanstyr yn phobble huggey myr v’eh gynsaghey, gra, Cre’n phooar t’ayd’s dy yannoo ny reddyn shoh? as quoi hug yn phooar shoh dhyt?

Noo Mian 27:20

Agh choyrlee ny ard-saggyrtyn as shanstyr y phobble ad dy yannoo aghin son Barabbas, as Yeesey y choyrt gy-baase.

Noo Mark 15:11

Agh ghreinnee ny ard-saggyrtyn y pobble, ad dy yeearree er myr reih, eh dy eaysley daue Barabbas.

Noo Ean 8:20

Ny goan shoh loayr Yeesey ’sy room tashtee, myr v’eh gynsaghey ayns y chiamble: as cha dug dooinney erbee laue er, son cha row yn oor echey foast er jeet.

Noo Ean 8:59

Eisht hrog ad claghyn dy cheau er: agh cheill Yeesey eh-hene voue, as hie eh magh ass y chiamble, goll trooid y cheeid oc, as myr shen hie eh shaghey.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard-valley nyn ’oï oc, as dirree ad seose noi Paul as Barnabas, as deiyr ad ad ass ny ardjyn oc.

Jannoo 21:30

As va ooilley yn ard-valley ayns anvea, as roie yn pobble dy cheilley: as ghow ad Paul, as hayrn ad eh magh ass y chiamble; as chelleeragh va ny dorryssyn dooint.

Jannoo 22:22

As deaisht ad rish gys y fockle shoh, as eisht hrog ad seose nyn goraa, as dooyrt ad, Ersooyl-jee lesh lheid yn er shoh jeh’n thalloo: son cha vel eh cooie eh dy ve bio.

Jannoo 3:11

Agh myr va’n baccagh v’er ny laanaghey cummal dy jeean gys Peddyr as Ean, roie ooilley yn pobble dy cheilley gys y phorch ta enmyssit porch Solomon, goaill lane yindys.

Jannoo 5:12

As liorish laueyn ny hostyllyn va ymmodee cowraghyn as yindyssyn er nyn yannoo mastey’n pobble; (as v’ad ooilley lesh un aigney ayns porch Solomon.

Jannoo 5:28

Gra, Nagh dug shinyn sarey gyere diu, gyn shiu dy ynsaghey ayns yn ennym shoh? as cur-my-ner, ta shiu er lhieeney Jerusalem lesh yn ynsagh eu, as kiarail tayrn orrin loght fuill y dooinney shoh.

Jannoo 6:14

Son ta shin er chlashtyn eh gra, dy jean Yeesey shoh dy Nazareth yn ynnyd shoh y stroie, as ny oardaghyn y chaghlaa ren Moses y livrey dooin.

Joshua 18:1

As va slane sheshaght cloan Israel er nyn jaglym cooidjagh ec Shiloh, as hoie ad seose y chabbane-agglish ayns shen. As va’n slane cheer lhieu hene.