Jeremiah 26:8 - Yn Vible Casherick 1775 1819

⁸ Nish haink eh gy-kione, erreish da Jeremiah v’er loayrt ooilley ny va’n Chiarn er n’oardaghey da dy loayrt rish ooilley’n pobble, dy ren ny saggyrtyn, as ny phadeyryn, as ooilley’n pobble, eh y ghreimmey, gra, Bee oo son shickyrys er dty choyrt gy-baase.

Jeremiah 26:8 ပူးပေါင်းရင်းမြစ်များ

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Jeremiah 1:19

As nee ad caggey dt’oï, agh cha vow ad yn varriaght ort; son ta mish mayrt, ta’n Chiarn dy ghra, dy dty livrey.

Jeremiah 18:18

Eisht dooyrt ad, Tar-jee, as lhig dooin kialgyn croutagh y ghoaill noi Jeremiah; son cha vaillee yn leigh veih’n taggyrt, ny coyrle veih’n er-creeney, ny’n goo veih’n adeyr: tar-jee, as lhig dooin eh y woalley lesh y chengey, as gyn geill y choyrt da veg jeh e ghoan.

Jeremiah 18:23

Ny-yeih, Hiarn, t’ou uss toiggal ooilley’n choyrle oc m’oï’s dy my stroie: ny jean yn vee-chairys oc y leih daue, chamoo cur y peccah oc ersooyl ass dty enish, agh lhig daue tuittym kiongoyrt rhyt’s: dell myr shoh roo ayns laa dty yymmoose.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 32:3

Son va Zedekiah ree Yudah er yeigh seose eh, gra, Cre’n-fa t’ou uss phadeyrys, as gra, Myr shoh ta’n Chiarn dy ghra, Cur-my-ner, ver-yms yn ard-valley shoh gys laue ree Vabylon, as nee eh goaill eh;

Jeremiah 43:1

As haink eh gy-kione, erreish da Jeremiah v’er loayrt rish ooilley yn pobble ooilley goan y chaghteraght va’n Chiarn nyn Yee er choyrt huc liorishyn, eer ooilley ny goan shoh,

Amos 7:10

Eisht hug Amaziah saggyrt Veth-el fys gys Jeroboam ree Israel, gra, Ta Amos er ghoaill coyrle follit dt’oï, ayns mean thie Israel: ver eh shoh yn thalloo bun-ry-skyn lesh ooilley e ghoan.

Noo Mian 22:6

As ghow yn chooid elley ny sharvaantyn echey, as ghell ad dy elgyssagh roo, as varr ad ad.

Noo Mian 27:20

Agh choyrlee ny ard-saggyrtyn as shanstyr y phobble ad dy yannoo aghin son Barabbas, as Yeesey y choyrt gy-baase.

Jannoo 5:33

Tra cheayll ad shen, v’ad guint gys y chree, as hug ad nyn goyrle dy cheilley dy chur ad dy baase.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro-laue jeh cheet yn Er cairagh, eh ta shiuish nish er vrah as er ghunverys:

Ashlish 18:24

As aynjee v’er ny gheddyn fuill phadeyryn, as nooghyn, as [yn uill] ocsyn ooilley v’er nyn ghunverys er y thalloo.