Jeremiah 26:5 - Yn Vible Casherick 1775 1819

⁵ Dy eaishtagh rish goan my harvaantyn ny phadeyryn, ta mee er choyrt er chaghteraght hiu, girree dy moghey, as cur magh ad; (agh cha vel shiuish er n’eaishtagh;)

Jeremiah 26:5 ပူးပေါင်းရင်းမြစ်များ

2 Reeaghyn 17:13

Foast dymmyrk y Chiarn feanish noi Israel, as noi Judah, liorish ooilley ny phadeyryn, as ooilley ny fakyderyn, gra, Chyndaa-jee veih nyn ghrogh raaidyn, as freill-jee my annaghyn as my lattyssyn, cordail rish y slane leigh ren mee y harey da nyn ayraghyn, as shen doardee mee diuish liorish my harvaantyn ny phadeyryn.

2 Reeaghyn 17:23

Derrey scugh y Chiarn Israel ass e hilley, myr v’eh er ghra rish ooilley e harvaantyn ny phadeyryn. Myr shen va Israel er nyn goyrt lhieu ersooyl ass y cheer oc hene gys Assyria gys y laa t’ayn jiu.

2 Reeaghyn 24:2

As hug y Chiarn magh n’oï sheshaghtyn-caggee jeh ny Caldeanee, as sheshaghtyn jeh ny Syrianee, as jeh ny Moabiteyn, as jeh cloan Ammon, as hug eh ad noi Judah dy stroie eh, cordail rish goo yn Chiarn, ren eh loayrt liorish e harvaantyn ny phadeyryn.

2 Reeaghyn 9:7

As nee oo stroie thie Ahab dty vainshtyr, dy voddym cooilleeney ’ghoaill son fuill my harvaantyn ny phadeyryn, as fuill ooilley sharvaantyn y Chiarn, ec laue Jezebel.

Ezra 9:11

Ad t’ou er n’oardaghey liorish dty harvaantyn ny phadeyryn, gra, Ta’n cheer ayn ta shiu goll dy chummal, cheer neu-ghlen, lesh broïd pobble ny cheeraghyn, lesh nyn obbraghyn feohdoil, t’er lhieeney eh veih kione gy-kione, lesh nyn neu-ghlennid.

Jeremiah 11:7

Son ren mee breearrey chion noi nyn ayraghyn, ’sy laa hug mee lhiam ad seose ass cheer Egypt, eer gys y laa t’ayn jiu, girree dy moghey as cur raaue chion, as gra, Cur-jee biallys da my choraa.

Jeremiah 29:19

Er-yn-oyr nagh vel ad er choyrt geill da my ghoan, ta’n Chiarn dy ghra, loayr mee roo liorish my hirveishee ny phadeyryn, girree dy moghey as dy choyrt ad magh; agh cha n’eaishtagh shiu, ta’n Chiarn dy ghra.

Jeremiah 32:33

Son t’ad er jyndaa cooyl rhym, as cha nee nyn oaie orrym: ga dy dynsee mee ad, girree dy moghey as cur roue, ny-yeih cha vel ad er n’eaishtagh dy ghoaill ynsagh.

Jeremiah 35:15

Ta mee er choyrt hiu myrgeddin ooilley my harvaantyn ny phadeyryn, girree dy moghey as dy choyrt ad, gra, Chyndaa-jee nish dy chooilley ghooinney veih e ghrogh raad, as lhiassee-jee nyn raaidyn, as ny eiyr-jee er jeeghyn joarree dy hirveish ad, as nee shiu cummal ayns y cheer ta mish er choyrt diu hene, as da nyn ayraghyn; agh cha vel shiu er chroymmey nyn gleaysh, ny er n’eaishtagh rhym’s.

Jeremiah 35:17

Shen-y-fa shoh myr ta’n Chiarn, Jee ny flaunyssee, Jee Israel, dy ghra, Cur-my-ner, ver-yms lhiam er Judah, as er ooilley cummaltee Yerusalem, ooilley ny huilk ta mee er n’ockley magh nyn ’oï: er-yn-oyr dy vel mee er loayrt roo, agh cha dug ad clashtyn dou; as ta mee er n’eamagh orroo, agh cha vel ad er my reggyrt.

Jeremiah 44:4

Ny-yeih hug mish hiuish ooilley my harvaantyn ny phadeyryn, girree dy moghey, as dy choyrt ad, gra, Oh, ny jean-jee yn red dwoaiagh shoh, ta feoh aym er.

Jeremiah 7:13

As nish er-yn-oyr dy vel shiuish er n’yannoo ooilley ny obbraghyn shoh, ta’n Chiarn dy ghra, as dy loayr mee riu, girree dy moghey as loayrt, agh nagh vel shiu er n’eaishtagh rhym; as dy vel mee er n’eamagh erriu, agh cha vel shiu er reggyrt;

Jeremiah 7:25

Er-dyn laa haink nyn ayraghyn magh ass cheer Egypt gys y laa jiu, ta mee eer er choyrt hiu ooilley my harvaantyn ny phadeyryn, dagh laa girree dy moghey, as dy choyrt ad:

Ezekiel 38:17

Myr shoh ta’n Chiarn Jee dy ghra, Nee uss eshyn, loayr mee jeh ’sy chenn earish, liorish my harvaantyn phadeyryn Israel, ren phadeyrys ayns ny laghyn shen ymmodee bleeantyn, dy jinnin lhiam uss nyn ’oï?

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.

Zechariah 1:6

Agh my ghoan, as my lattyssyn, hug mee er currym my harvaantyn ny phadeyryn, nagh ren ad berraghtyn er nyn ayraghyn? as hyndaa ad, as dooyrt ad, ’Naght myr va Chiarn ny flaunyssee kiarit dy yannoo rooin, rere nyn raaidyn, as rere nyn yannoo, eer myr shen t’eh er ghellal rooin.

Ashlish 10:7

Agh ayns laghyn coraa yn chiaghtoo ainle, tra nee eh toshiaght dy heidey, dy beagh folliaght Yee er ny chooilleeney, myr t’eh er hoilshaghey da e harvaantyn ny phadeyryn.

Ashlish 11:18

As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta mhilley’n seihll.