Jeremiah 26:24 - Yn Vible Casherick 1775 1819

²⁴ Ny-yeih, va laue Ahikam mac Shaphan marish Jeremiah, nagh row eh er ny livrey seose gys laueyn y phobble dy choyrt eh dy baase.

Jeremiah 26:24 ပူးပေါင်းရင်းမြစ်များ

1 Reeaghyn 18:4

Son shen myr ve, tra ren Jezebel stroie phadeyryn y Chiarn, dy ghow Obadiah keead phadeyr, as dollee eh ad jeih as da-eed ayns ooig, as ren eh ad y veaghey lesh arran as ushtey.)

2 Reeaghyn 25:22

Agh son y pobble v’er-mayrn ayns cheer Yudah, va Nebuchadnezzar ree Vabylon er n’aagail ayn, eer harrystoo shoh ren eh Gedaliah mac Ahikam, mac Shaphan, ny chiannoort.

2 Recortyssyn 34:20

As doardee yn ree da Hilkiah, as da Ahikam mac Shaphan, as da Abdon mac Vicah, as da Shaphan yn scrudeyr, as da Asaiah fer-oik y ree, gra,

Jeremiah 29:3

Liorish laue Elasah mac Shaphan, as Gemariah mac Hilkiah, (hug Zedekiah ree Yudah gys Babylon gys Nebuchadnezzar ree Vabylon,) gra,

Jeremiah 36:10

Eisht ren Baruch lhaih ass y lioar goan Yeremiah ayns thie yn Chiarn, ayns shamyr Ghemariah mac Shaphan y scrudeyr, ’sy chooyrt syrjey, liorish giat noa thie yn Chiarn, ayns clashtyn ooilley yn pobble.

Jeremiah 36:11

Nish tra va Michaiah mac Ghemariah, mac Shaphan, er chlashtyn ass y lioar ooilley goan y Chiarn.

Jeremiah 36:12

Dy jagh eh sheese gys thie yn ree, gys shamyr yn ard-scrudeyr: as cur-my-ner, va ooilley ny princeyn nyn soie ayns shen, eer Elishama yn scrudeyr, as Delaiah mac Shemaiah, as Elnathan mac Achbor, as Gemariah mac Shaphan, as Zedekiah mac Hananiah, as ooilley ny ard-gheiney.

Jeremiah 36:19

Eisht dooyrt ny princeyn rish Baruch, Immee royd as follee oo hene, uss as Jeremiah, as ny lhig da fys ’ve ec dooinney erbee cre raad vees shiu.

Jeremiah 36:26

Agh doardee yn ree da Jerahmeel mac Hammelech, as Seraiah mac Azriel, as Shelemiah mac Abdeel, dy ghoaill yn scrudeyr Baruch, as Jeremiah yn phadeyr: agh ren y Chiarn ad y cheiltyn.

Jeremiah 39:14

Eer adsyn hug fys, as ghow ad Jeremiah ass cooyrt y phryssoon, as livrey ad eh gys currym Ghedaliah mac Ahikam, mac Shaphan, eh dy chur lesh thie eh: myr shen ren eh baghey mastey’n pobble.

Ezekiel 8:11

As hass kiongoyrt roo three-feed as jeih deiney jeh shanstyr thie Israel, as ayns y vean oc hass Jaazaniah mac Shaphan, dagh dooinney lesh e henser ny laue, as hrog bodjal choo dy incense seose voue.

Jannoo 23:10

As myr va’n streeu mooadaghey, va’n ard-chaptan agglagh dy raipagh ad Paul ayns peeshyn, as doardee eh sidooryn dy gholl sheese, as dy ghoaill eh er niart veih nyn mast’ oc, as dy chur lhieu eh stiagh ayns y chashtal.

Jannoo 27:43

Agh yn centurion aggindagh Paul y hauail, lhiett eh ad veih shen y yannoo, as doardee eh adsyn oddagh snaue, ad dy hilgey ad-hene hoshiaght ayns y cheayn, as ad dy chosney gys y thalloo:

Ashlish 12:16

As chooin y thalloo lesh y ven, as doshil y thalloo e beeal, as slug ee seose thooilley hilg y dragon magh ass e veeal.