Jeremiah 26:21 - Yn Vible Casherick 1775 1819

²¹ As tra cheayll Jehoiakim y ree, as ooilley e ard-gheiney, as ooilley ny princeyn, ny goan echey, va’n ree kiarit dy choyrt gy-baase eh; agh tra cheayll Urijah shoh, va aggle er, as chossyn eh roish, as hie eh sheese gys Egypt:

Jeremiah 26:21 ပူးပေါင်းရင်းမြစ်များ

1 Reeaghyn 18:10

Myr ta’n Chiarn dty Yee bio, cha vel ashoon erbee ny reeriaght nagh vel my hiarn er chur fys dy gheddyn magh oo: as tra dooyrt ad, Nagh row eh ayns shen, ghow eh loo jeh’n reeriaght as yn ashoon, nagh r’ou ry-gheddyn.

2 Recortyssyn 16:10

Eisht va Asa jymmoosagh rish y phadeyr, as hug eh eh ayns pryssoon; son v’eh jiarg-chorree rish, son ny dooyrt eh. As ren Asa tranlaase er shiartanse jeh’n pobble ec y traa cheddin.

2 Recortyssyn 24:21

As dirree ad magh n’oï, as chlagh ad eh gy-baase, ec sarey’n ree, ayns cooyrt thie’n Chiarn.

Psalmyn 119:109

Ta m’annym dy kinjagh ayns my laue: ny-yeih cha vel mee jarrood dty leigh.

Raaghyn Creeney 29:25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

Jeremiah 26:10

Tra cheayll princeyn Yudah ny reddyn shoh, eisht haink ad seose veih thie yn ree gys thie yn Chiarn, as hoie ad sheese liorish giat noa thie yn Chiarn.

Jeremiah 36:26

Agh doardee yn ree da Jerahmeel mac Hammelech, as Seraiah mac Azriel, as Shelemiah mac Abdeel, dy ghoaill yn scrudeyr Baruch, as Jeremiah yn phadeyr: agh ren y Chiarn ad y cheiltyn.

Jeremiah 38:4

Er-y-fa shen dooyrt ny princeyn rish y ree, Ta shin guee ort, lhig da’n dooinney shoh ve currit gy-baase: son myr shoh, t’eh gannooinaghey laueyn ny deiney-caggee ta er-mayrn ’syn ard-valley, as laueyn ooilley’n pobble, ayns loayrt lheid ny goan roo: son cha vel eh shoh shirrey foays y phobble, agh yn assee oc.

Noo Mian 10:23

Agh tra nee ad tranlaase erriu ayns un ard-valley, cosne-jee reue gys ard-valley elley: son ta mee shickyrys diu, nagh bee shiu er n’gholl harrish ard-valjyn Israel, derrey vees Mac y dooinney er jeet.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Noo Mian 10:39

Eshyn ta aggindagh e vioys y hauail, caillee eh eh: agh eshyn chaillys e vioys er my ghraih’s, nee eh eh y hauail.

Noo Mian 14:5

As tra baillish v’er choyrt eh gy-baase, v’eh ayns aggle roish y pobble, er-yn-oyr dy row ad dy ghoaill eh son phadeyr.

Noo Mark 6:19

Shen-y-fa va Herodias ayns goanlys da, as v’ee shleeuit er cur dy baase eh, agh cha daink eh lh’ee.