Jeremiah 26:18 - Yn Vible Casherick 1775 1819

¹⁸ Ren Micah yn Morasthite phadeyrys rish lhing Hezekiah ree Yudah, as loayr eh rish ooilley pobble Yudah, gra, Myr shoh ta Chiarn ny sheshaghtyn flaunyssagh dy ghra, Bee Zion traaueit myr magher, as bee Jerusalem jeant ny holtanyn, as yrjid y thie myr ardjyn ny keylley.

Jeremiah 26:18 ပူးပေါင်းရင်းမြစ်များ

2 Reeaghyn 19:25

Nagh vel oo er chlashtyn foddey er-dy-henney, kys ta mee er n’yannoo eh, as er-dyn chenn earishyn dy vel mee er oardrail eh? nish ta mee er hoilshaghey dy nee mish hug pooar dhyt dy yannoo ard-valjyn fencit nyn dholtanyn brisht.

2 Recortyssyn 32:26

Ny-yeih, ren Hezekiah eh-hene y injillaghey son mooaralys e chree (chammah eh-hene, as cummaltee Yerusalem) myr shen nagh ren corree’n Chiarn brishey magh orroo rish lhing Hezekiah.

Nehemiah 4:2

As loayr eh roish e vraaraghyn, as sheshaght-caggee Samaria, as dooyrt eh, Cre ta ny Hewnyn kercheenagh shoh kiarail dy yannoo? vel ad son fendeil ad-hene? jean ad ourallyn y hebbal? der ad kione er yn obbyr ayns laa? vel ad son doostey reesht ny claghyn ta losht, ass ny carnaneyn dy holtanyn losht?

Psalmyn 79:1

O Yee, ta ny ashoonyn-quaagh er jeet stiagh ayns dt’eiraght: dty hiamble casherick t’ad er yannoo neu-ghlen, as er yannoo Jerusalem carnane dy chlaghyn.

Jeremiah 17:3

O my lieau ’sy vagher, ver-ym dty chooid as ooilley dty hashtaghyn son spooilley, as dty ard-ynnydyn son peccah, trooid ooilley dty ardjyn.

Jeremiah 51:37

As hig Babylon dy ve ny holtanyn, ynnyd-vaghee son dragonyn, atchim, as faghid, fegooish cummaltagh.

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Micah 1:1

Shoh goo yn Chiarn haink gys Micah yn Morasthite rish lhing Yotham, Ahaz, as Hezekiah, reeaghyn Yudah, shen honnick eh mychione Samaria as Jerusalem.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Micah 4:1

Agh ayns ny laghyn jerrinagh hig eh gy-kione, dy bee slieau thie yn Chiarn er ny hoiaghey seose erskyn yrjid ny sleityn elley, as bee eh er ny hroggal erskyn ny croink, as nee yn pobble lhieeney huggey.

Zechariah 8:3

Myr shoh ta’n Chiarn dy ghra, Ta mee er hyndaa gys Zion, as nee’m cummal ayns mean Yerusalem, as bee Jerusalem enmyssit, Ard-valley yn ynrickys, as slieau Chiarn ny flaunyssee, Yn slieau casherick.