Jeremiah 26:16 - Yn Vible Casherick 1775 1819

¹⁶ Eisht dooyrt ny princeyn as ooilley’n pobble rish ny saggyrtyn, as rish ny phadeyryn, Cha vel y dooinney shoh toilchin baase; son t’eh er loayrt rooin ayns ennym y Chiarn nyn Yee.

Jeremiah 26:16 ပူးပေါင်းရင်းမြစ်များ

Esther 4:14

Son my vees oo ooilley-cooidjagh dty host ec y traa shoh, eisht nee feaysley as livrey-ys da ny Hewnyn troggal veih boayl elley, agh bee uss as thie dty ayrey er nyn stroie: as quoi ec ta fys, nagh vel oo er jeet gys y reeriaght, cour lheid y traa shoh?

Psalmyn 94:16

Quoi nee girree seose mârym noi ny mee-chrauee: ny quoi hassys er my heu noi ny drogh-yantee?

Raaghyn Creeney 16:7

Tra ta kenjallys y Chiarn er raaidyn dooinney, t’eh coyrt er eer e noidyn ’ve ec shee rish.

Jeremiah 26:11

Eisht loayr ny saggyrtyn as ny phadeyryn rish ny princeyn, as rish ooilley’n pobble, gra, Ta’n dooinney shoh toilliu baase; son t’eh er n’yannoo phadeyrys noi’n ard-valley shoh, myr ta shiu er chlashtyn lesh nyn gleayshyn.

Jeremiah 34:10

Nish, tra cheayll ooilley ny princeyn, as ooilley yn pobble, va er ghoaill y conaant shoh, dy row dagh unnane dy choyrt seyrsnys da e er-mooinjerey, as e inney-veyl, nagh row fer erbee dy ghoaill yn chirveish oc nastee; eisht hug ad biallys, as lhig ad yn raad daue.

Jeremiah 36:19

Eisht dooyrt ny princeyn rish Baruch, Immee royd as follee oo hene, uss as Jeremiah, as ny lhig da fys ’ve ec dooinney erbee cre raad vees shiu.

Jeremiah 36:25

Ga dy ren Elnathan, as Delaiah, as Gemariah, guee er y ree, gyn dy lostey yn lioar; agh cha n’eaishtagh eh roo.

Jeremiah 37:15

Shen-y-fa va ny princeyn corree rish Jeremiah, as woaill ad eh, as hug ad eh ayns pryssoon, ayns thie Yonathan y scrudeyr, son ersyn va currym y phryssoon.

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa-thallooin, as ny reddyn v’er jeet gy-kione, ghow ad aggle mooar, gra, Dy firrinagh shoh va Mac Yee.

Noo Luke 23:41

As shinyn dy jarroo dy cairagh; son ta shin er gheddyn toilchinys cooie yn jannoo ain: agh cha vel y dooinney shoh er n’yannoo aggair erbee.

Noo Luke 23:47

Nish tra honnick y centurion cre va er jeet gy-kione, hug eh moylley da Jee, gra, Ayns firrinys v’eh shoh ny ghooinney cairagh.

Jannoo 23:29

As dennee mee dy row eh er ny chassid mychione cooishyn jeh’n leigh oc hene; agh nagh row nhee erbee currit gys e lieh toilchin baase ny geulaghyn.

Jannoo 23:9

As va argane mooar er ny ghoostey: as dirree ny scrudeyryn va er paart ny Phariseeyn, as streeu ad, gra, Cha vel shinyn geddyn foill erbee ayns y dooinney shoh: agh my ta spyrryd ny ainle er loayrt rish, ny lhig dooin caggey noi Jee.

Jannoo 25:25

Agh tra hoig mish, nagh row eh er n’yannoo nhee erbee dy hoilchin baase, as dy row eh-hene er scughey yn chooish gys Augustus, ta mee kiarit dy choyrt eh.