Jeremiah 26:11 - Yn Vible Casherick 1775 1819

¹¹ Eisht loayr ny saggyrtyn as ny phadeyryn rish ny princeyn, as rish ooilley’n pobble, gra, Ta’n dooinney shoh toilliu baase; son t’eh er n’yannoo phadeyrys noi’n ard-valley shoh, myr ta shiu er chlashtyn lesh nyn gleayshyn.

Jeremiah 26:11 ပူးပေါင်းရင်းမြစ်များ

Jeremiah 18:23

Ny-yeih, Hiarn, t’ou uss toiggal ooilley’n choyrle oc m’oï’s dy my stroie: ny jean yn vee-chairys oc y leih daue, chamoo cur y peccah oc ersooyl ass dty enish, agh lhig daue tuittym kiongoyrt rhyt’s: dell myr shoh roo ayns laa dty yymmoose.

Jeremiah 26:16

Eisht dooyrt ny princeyn as ooilley’n pobble rish ny saggyrtyn, as rish ny phadeyryn, Cha vel y dooinney shoh toilchin baase; son t’eh er loayrt rooin ayns ennym y Chiarn nyn Yee.

Jeremiah 38:4

Er-y-fa shen dooyrt ny princeyn rish y ree, Ta shin guee ort, lhig da’n dooinney shoh ve currit gy-baase: son myr shoh, t’eh gannooinaghey laueyn ny deiney-caggee ta er-mayrn ’syn ard-valley, as laueyn ooilley’n pobble, ayns loayrt lheid ny goan roo: son cha vel eh shoh shirrey foays y phobble, agh yn assee oc.

Noo Mian 26:66

Cre ta shiu smooinaghtyn jeh? Dansoor ad, as dooyrt ad, T’eh toilchin dy ve er ny choyrt gy-baase.

Noo Ean 18:30

Dreggyr adsyn as dooyrt ad, Er-be dy nee drogh-yantagh eh, cha beagh shin er livrey hood’s eh.

Noo Ean 19:7

Dreggyr ny Hewnyn eh, Ta leigh ainyn, as liorish y leigh ain lhisagh eh v’er ny choyrt gy-baase, er-y-fa dy ghow eh er dy nee Mac Yee v’eh.

Jannoo 22:22

As deaisht ad rish gys y fockle shoh, as eisht hrog ad seose nyn goraa, as dooyrt ad, Ersooyl-jee lesh lheid yn er shoh jeh’n thalloo: son cha vel eh cooie eh dy ve bio.

Deuteronomy 18:20

Agh y phadeyr ghoys er dy loayrt fockle ayns m’ennym’s, nagh vel mish er harey da dy loayrt, ny loayrys ayns ennym jeeghyn joarree, bee eer y phadeyr shen er ny stroie.

Briwnyn 6:30

Eisht dooyrt deiney yn ard-valley rish Joash, Cur lhiat magh dty vac, dy der mayd dy baase eh: er-yn-oyr dy vel eh er lhieggal altar Baal, as er yiarey sheese yn cheyll va liorish.