Jeremiah 26:10 - Yn Vible Casherick 1775 1819

¹⁰ Tra cheayll princeyn Yudah ny reddyn shoh, eisht haink ad seose veih thie yn ree gys thie yn Chiarn, as hoie ad sheese liorish giat noa thie yn Chiarn.

Jeremiah 26:10 ပူးပေါင်းရင်းမြစ်များ

2 Reeaghyn 15:35

Ny-yeih, cha row ny ynnydyn ardey er nyn scughey: ren y pobble kinjagh chebbal oural as lostey incense ayns ny ynnydyn ardey. Hrog eh yn giat b’yrjey jeh thie yn Chiarn.

2 Recortyssyn 27:3

Hrog eh giat ard thie’n Chiarn, as ren eh mooarane obbyr er voalley Ophel.

Jeremiah 20:2

Eisht woaill Pashur er Jeremiah yn adeyr, as hug eh eh ayns ny sthockyn va liorish ard-yiat Venjamin, er-gerrey da thie’n Chiarn.

Jeremiah 26:21

As tra cheayll Jehoiakim y ree, as ooilley e ard-gheiney, as ooilley ny princeyn, ny goan echey, va’n ree kiarit dy choyrt gy-baase eh; agh tra cheayll Urijah shoh, va aggle er, as chossyn eh roish, as hie eh sheese gys Egypt:

Jeremiah 26:24

Ny-yeih, va laue Ahikam mac Shaphan marish Jeremiah, nagh row eh er ny livrey seose gys laueyn y phobble dy choyrt eh dy baase.

Jeremiah 34:10

Nish, tra cheayll ooilley ny princeyn, as ooilley yn pobble, va er ghoaill y conaant shoh, dy row dagh unnane dy choyrt seyrsnys da e er-mooinjerey, as e inney-veyl, nagh row fer erbee dy ghoaill yn chirveish oc nastee; eisht hug ad biallys, as lhig ad yn raad daue.

Jeremiah 34:19

Eer princeyn Yudah, as princeyn Yerusalem, ny fir-oik, as ny saggyrtyn, as ooilley pobble y cheer, huill eddyr dagh lieh jeh’n lheiy oural;

Jeremiah 36:10

Eisht ren Baruch lhaih ass y lioar goan Yeremiah ayns thie yn Chiarn, ayns shamyr Ghemariah mac Shaphan y scrudeyr, ’sy chooyrt syrjey, liorish giat noa thie yn Chiarn, ayns clashtyn ooilley yn pobble.

Jeremiah 36:25

Ga dy ren Elnathan, as Delaiah, as Gemariah, guee er y ree, gyn dy lostey yn lioar; agh cha n’eaishtagh eh roo.

Ezekiel 22:27

Ta ny princeyn eck ayns e mean, myr moddee-oaldey jollyssagh lurg y spooilley, dy gheayrtey fuill, as dy stroie anmeenyn, dy gheddyn cosney neu-chairagh.

Ezekiel 22:6

Cur-my-ner princeyn Israel, va dagh fer jeu mayrt’s rere nyn booar, son deayrtey fuill.