Jeremiah 24:9 - Yn Vible Casherick 1775 1819

⁹ As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.

Jeremiah 24:9 ပူးပေါင်းရင်းမြစ်များ

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

2 Recortyssyn 7:20

Eisht nee’m ad y astyrt ass ny fraueyn veih’n cheer ta mee er choyrt daue; as y thie shoh ta mee er chasherickey son m’ennym, nee’m eh y scughey ass my hilley, as eh y yannoo ny an-ghoo as oltooan mastey dy chooilley ashoon.

Psalmyn 69:11

Hug mee orrym aanrit-sack myrgeddin: as ren ad craidey moo’m.

Isaiah 43:28

Shen-y-fa, ta mee er hayrn mee-ooashley er princeyn y chiamble, as ta mee er n’yannoo Jacob son mollaght, as Israel son oltooan.

Isaiah 65:15

As faagee shiu nyn ennym son mollaght da my vooinjer reiht: son nee yn Chiarn uss y stroie, as cowree eh e harvaantyn liorish ennym elley:

Jeremiah 15:4

As ver-ym orroo dy v’er nyn scughey gys ooilley reeriaghtyn y theihll, kyndagh rish Manasseh mac Hezekiah ree Yudah, son shen ny ren eh ayns Jerusalem.

Jeremiah 19:8

As nee’m yn ard-valley shoh ny hraartys, as ny chraid: bee yindys mooar er dy chooilley unnane hed shaghey; as nee ad gannidys, kyndagh rish ooilley’n kerraghey trome hig urree.

Jeremiah 25:18

Ta shen dy ghra, Jerusalem, as ard-valjyn Yudah, as nyn reeaghyn, as nyn brinceyn, dy yannoo ad ny hraartys, as ny atchim, son flout, as faghid, as mollaght; (myr te ec y laa t’ayn jiu;)

Jeremiah 26:6

Eisht neem’s y thie shoh y yannoo myr Shiloh, as yn ard-valley shoh ny vollaght da ooilley ashoonyn yn ooir.

Jeremiah 29:18

As ver-ym eiyrtys orroo lesh y chliwe, yn ghortey, as y chramp, as nee’m ad y livrey dy ve scughit gys dy chooilley reeriaght ’sy theihll, dy ve son mollaght, as atchim, as faghid, as an-ghoo, mastey dy chooilley ashoon raad ta mee er n’eiyrt ad:

Jeremiah 29:22

As my-nyn-gione bee mollaght-mynney troggit liorish ooilley cappeeys Yudah ta ayns Babylon, gra, Dy jean y Chiarn rhyt’s myr ren eh rish Zedekiah, as rish Ahab, ren ree Vabylon y roastey ’syn aile;

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 42:18

Son myr shoh ta Chiarn ny flaunyssee, Jee Israel, dy ghra, Myr va my yymmoose as my eulys deayrtit magh er cummaltee Yerusalem; myr shen vees my eulys er ny gheayrtey magh erriuish, tra hed shiu gys Egypt: as bee shiu son ard-vollaght, as son atchim, as son mollaght-mynney, as son oltooan, as cha vaik shiu yn ynnyd shoh arragh.

Jeremiah 44:12

As goyms fooilliagh Yudah, t’er hoiaghey nyn eddin dy gholl gys cheer Egypt dy chummal ayns shen, as hed ad ooilley naardey, as nee ad tuittym ayns cheer Egypt; bee ad dy feer stroit liorish y chliwe, as y ghortey; yiow ad ooilley baase, beg as mooar, lesh y chliwe as y ghortey: as bee ad son ard-vollaght, as son atchim, as son mollaght-mynney, as son oltooan.

Jeremiah 44:13

Son goym’s kerraghey orroosyn ta cummal ayns cheer Egypt, myr ta mee er cherraghey Jerusalem, liorish y chliwe, liorish y ghortey, as liorish y chramp:

Jeremiah 44:22

Myr shen nagh voddagh y Chiarn gymmyrkey ny-sodjey rish loght nyn yannoo, as ny cliaghtaghyn dwoaiagh ta shiu er chur roo: shen-y-fa ta’n cheer eu ny hraartys, as atchim, as mollaght, gyn cummaltagh, myr ec y laa t’ayn jiu.

Ezekiel 23:46

Son myr shoh ta’n Chiarn Jee dy ghra, Ver-ym lhiam sheshaght orroo, as livrey-ym seose ad gys cappeeys as spooilley.

Ezekiel 25:3

As abbyr rish ny Ammoniteyn, Clasht-jee goo yn Chiarn Jee, Myr shoh ta’n Chiarn Jee dy ghra, Er son dy vel uss er ghra, Aha, noi yn ynnyd casherick aym’s, ec y traa ve er ny choyrt naardey, as noi thalloo Israel, tra ve treigit, as noi thie Yudah, tra v’ad goit ersooyl ayns cappeeys;

Ezekiel 26:2

Vac y dooinney, er-yn-oyr dy vel Tyrus er ghra noi Jerusalem, Aha, ta ish, va giattyn y phobble, brisht, t’ee er ny hyndaa hym’s, beem’s er my lhieeney lh’ee, nish dy vel ee er ny choyrt naardey.

Ezekiel 5:8

Shen-y-fa myr shoh ta’n Chiarn Jee dy ghra, Cur-my-ner ta mish, dy jarroo mish hene, dt’oï, as ayns dty vean’s goym cooilleeney jeed’s ayns shilley ny ashoonyn.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

Deuteronomy 28:37

As hig oo dy ve son atchim, as son an-ghoo, as son oltooan, mastey ooilley ny ashoonyn, huc nee’n Chiarn oo y eebyrt.